Alternative content

09:21 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Hüquq Mərkəzi oxucuların suallarına cavab verir
Bakı Hüquq Mərkəzi oxucuların suallarına cavab verir
ANA SƏHİFƏ / Hüquq məsləhəti
01:09 07.09.2014

 

Kəndimizdə notarius idarəsi yoxdur. Bu halda icra hakimiyyətinin nümayəndəsi notariat hərəkətlərini apara bilər?

 

Qulam Lətifoğlu,

Lerik rayonu

 

- Notariat kontorları olmayan yaşayış məntəqələrində müvafiq icra hakimiyyəti orqanlarının (rayon, şəhər, şəhər rayonu icra hakimiyyətinin nümayəndələri) notariat hərəkətlərini aparmaq səlahiyyəti vardır. Lakin müvafiq icra hakimiyyəti orqanları bütün notariat hərəkətlərini deyil, "Notariat haqqında" qanunun 18-ci maddəsində nəzərdə tutulmuş notariat hərəkətlərini apara bilərlər. Həmin maddədə aşağıdakı notariat hərəkətləri nəzərdə tutulmuşdur: 1) miras əmlakın mühafizəsi üçün tədbirlərin görülməsi;  2) vəsiyyətnamələrin təsdiq edilməsi; 3) əmlakdan istifadə edilməsi və ona sərəncam verilməsi barədə (avtomaşınların müvəqqəti istifadəyə verilməsinə dair etibarnamələr istisna olmaqla) etibarnamələrin təsdiq edilməsi; 4) sənədlərdən surət və çıxarışların düzgünlüyünün təsdiq olunması; 5) sənədlərdəki imzanın həqiqiliyinin təsdiq edilməsi.

 

Cavablandırdı:

Aqil LAYICOV,

Bakı Hüquq Mərkəzinin hüquq məsləhətçisi