10 Dekabr 2011 03:12
1155
Milli Məclis
A- A+

Milli Məclisdə görüş

 

Dekabrın 9-da  Milli Məclis Sədrinin birinci müavini, parlamentin Təhlükəsizlik və müdafiə komitəsinin sədri Ziyafət Əsgərov ölkəmizdə səfərdə olan Avropa Parlamentinin üzvləri Dominik Rike, Filip Bullan və Belçika Parlamentinin üzvü Alen Desteks ilə görüşmüşdür.

Milli Məclis Sədrinin birinci müavini Ziyafət Əsgərov Avropa Parlamentinin üzvlərinə demokratik, hüquqi, dünyəvi dövlət quran Azərbaycanın keçdiyi inkişaf yolu, parlamentin fəaliyyəti, beynəlxalq əlaqələri, qanun yaradıcılığı prosesi, qanunverici orqanda siyasi partiyaların təmsilçiliyi, ölkədə mövcud olan söz, fikir, vicdan azadlığı barədə geniş məlumat vermişdir. Milli Məclis  beynəxalq fəaliyyətində Avropa Parlamenti, Avropa Şurası ilə əməkdaşlığa böyük önəm verir. Müstəqilliyinin bərpasının 20 illiyini qeyd edən ölkəmizlə Avropa Parlamenti arasında əlaqələr inkişaf edir.

Görüşdə Ermənistan-Azərbaycan, Dağlıq Qarabağ münaqişəsindən də söz açan Z.Əsgərov bildirdi ki, bu problemin həll olunmaması bölgədə sülh və əmin-amanlığın təminatına ciddi əngəl yaradır. Ermənistan bununla bağlı BMT Təhlükəsizlik Şurasının məlum 4 qətnaməsinə, ATƏT-in, Avropa Şurasının qərarlarına məhəl qoymur, işğalçılıq siyasətindən əl çəkmir. O, bu qətnamənin və Dağlıq Qarabağ münaqişəsinin həllinə dair digər sənədlərin icrası ilə bağlı avropalı parlamentarilərin fəallıq göstərməsinin vacibliyini qeyd etmişdir.

Görüş üçün təşəkkürünü bildirən Avropa Parlamentinin üzvü Dominik Rike demişdir ki, bu səfər regionun geosiyasi vəziyyətinə dair hərtərəfli məlumatların əldə edilməsi üçün geniş imkanlar yaratmışdır. Parlamentarilərin ölkənizə mütəmadi səfərləri Azərbaycanın Avropa Parlamenti üçün nə qədər maraqlı dövlət olduğunu təsdiqləyir.

Görüşdə qarşılıqlı maraq doğuran digər məsələlər ətrafında da fikir mübadiləsi aparıldı.

 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video