22 Noyabr 2011 02:11
912
Milli Məclis
A- A+

Son vaxtlar Azərbaycanın əldə etdiyi nailiyyətlərin siyahısı olduqca zəngindir

 

Avropa Komissiyasının vitse-prezidenti, nəqliyyat üzrə komissar Siim Kallas noyabrın 21-də Milli Məclisin Sədri Oqtay Əsədovla görüşmüşdür.

O.Əsədov bu səfərin Azərbaycan ilə Avropa İttifaqının qurumları arasında münasibətlərin daha da dərinləşməsinə təkan verəcəyini söyləmişdir. Bildirmişdir ki, Avropa İttifaqı ilə əməkdaşlıq Azərbaycanın xarici siyasətinin prioritet istiqamətlərindəndir. Əvvəllər Avropa İttifaqı ilə əlaqələrimiz qurumun yardımları səviyyəsində idisə, bu gün bu münasibətlər faydalı əməkdaşlıq formatına yüksəlmişdir. Avropa İttifaqının yüksək səviyyəli nümayəndə heyətlərinin ölkəmizə səfərləri bu fikri bir daha təsdiqləyir.

O.Əsədov demişdir ki, Avropa strukturlarına sürətlə inteqrasiya edən Azərbaycan regionda qlobal layihələrin reallaşmasında təşəbbüskar və fəal iştirakçıdır. Bununla yanaşı, dinamik inkişaf edən Azərbaycanın Dağlıq Qarabağ kimi ağrılı problemi vardır. Münaqişənin həllinin uzanması Avropanın özü üçün də mühüm əhəmiyyət kəsb edən enerji və nəqliyyat dəhlizlərini təhdid etməklə yanaşı, inteqrasiya proseslərinə də böyük maneə törədir.

Milli Məclisin Sədri Avropa Parlamentinin Cənubi Qafqazda vəziyyətlə əlaqədar qəbul etdiyi qətnamədə Azərbaycanın ərazi bütövlüyünü dəstəkləməsini yüksək dəyərləndirmişdir.

Siim Kallas səfər zamanı onlara göstərilən qonaqpərvərliyə görə minnətdarlıq etmişdir. O, xalqımızı dövlət müstəqilliyimizin bərpasının 20-ci ildönümü münasibətilə təbrik etmiş, son dövrdə Azərbaycanın inkişafını yüksək dəyərləndirmişdir. Qonaq Azərbaycanın BMT-nin Təhlükəsizlik Şurasına qeyri-daimi üzv seçilməsini ölkəmizin dünyada artan nüfuzu ilə əlaqələndirmişdir.

Qonaq demişdir ki, son vaxtlar Azərbaycanın əldə etdiyi nailiyyətlərin siyahısı olduqca zəngindir. Bura bölgədəki qlobal enerji və nəqliyyat layihələrinin reallaşması istiqamətinə qazanılan uğurlarla yanaşı, "Evrovision-2011" mahnı müsabiqəsində gənclərimizin qələbəsi də daxildir.

Görüşdə Şərq nəqliyyat dəhlizinin reallaşması ilə əlaqədar görüləcək işlər, bu layihədə Azərbaycanın yeri, regional münaqişələrin həlli yolları, parlamentlərarası əlaqələrin inkişafı, yük daşımalarında ölkəmizin oynadığı rol və digər məsələlər ətrafında fikir mübadiləsi aparılmışdır.

 

AzərTAc

Foto A.MƏMMƏDOVUNDUR

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video