06 Aprel 2014 12:04
860
Hüquq məsləhəti
A- A+

Bakı Hüquq Mərkəzi oxucuların suallarına cavab verir

 

Bankdan kredit alması üçün dostuma zamin dayanmışdım. Lakin indi onun pulu yoxdur və krediti qaytara bilmir. Mən onun əvəzinə pul ödəmək niyyətində deyiləm. Bu halda nə baş verə bilər?

 

Orxan Səmədov,

Xırdalan şəhəri

 

- Kredit müqaviləsi üzrə öhdəlik icra edilmədiyindən bank borcun qaytarılması tələbi ilə məhkəməyə müraciət edə bilər. Bu məhkəmə işi üzrə siz cavabdehlərdən biri kimi çıxış edəcəksiniz. Çünki krediti qaytarmaq öhdəliyi icra edilmədiyindən siz və dostunuz bank qarşısında birgə məsuliyyət daşıyırsınız (Azərbaycan Respublikasının Mülki Məcəlləsi, 472.1-ci maddə). Əgər pulu könüllü şəkildə ödəməsəniz, onda məhkəmə qətnaməsi "İcra haqqında" Azərbaycan Respublikası Qanununa müvafiq olaraq icra məmurları tərəfindən məcburi şəkildə icraya yönəldiləcəkdir. Lakin siz zamin qismində banka ödədiyiniz pulun qaytarılmasını, habelə həmin məbləğdən faizlərin və dostunuzun əvəzinə məsuliyyətlə bağlı çəkdiyiniz digər zərərin əvəzinin ödənilməsini sonradan ondan (dostunuzdan) reqres qaydasında geri tələb edə bilərsiniz. Çünki Azərbaycan Respublikası Mülki Məcəlləsinin 475.1-ci maddəsinə görə, öhdəliyi icra etmiş zaminə kreditorun həmin öhdəlik üzrə hüquqları və kreditora girov saxlayan kimi mənsub olmuş hüquqlar zaminin kreditorun tələbini ödədiyi həcmdə keçir. Zamin həmçinin borcludan kreditora ödənilmiş məbləğdən faizlər ödəməyi və borclunun əvəzinə məsuliyyətlə bağlı çəkdiyi digər zərərin əvəzini ödəməyi tələb edə bilər.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video