16 Fevral 2014 12:02
733
Hüquq məsləhəti
A- A+

Bakı Hüquq Mərkəzi oxucuların suallarına cavab verir

 

Qayınatama məxsus, özəlləşdirilməmiş  mənzildə həyat yoldaşım, mən və iki övladım qeydiyyatda olmuşuq.  Lakin qayınatam ikinci qrup əlil olduğundan həkim məsləhəti ilə onunla birlikdə ona məxsus bağ evində yaşamışıq.  Mənzildə isə qayınım ailəsi ilə yaşayıb. Qayınatam dünyasını dəyişdikdən sonra qaynımın iddiası əsasında  keçirilən məhkəmə bizim ailənin bütün üzvlərini  mənzildən istifadə hüququndan məhrum edilməsi və qeydiyyatdan çıxarılması haqqında qərar verdi. Növbəti məhkəmə instansiyaları da ilk məhkəmənin qərarını qüvvədə saxladı. Bilmək istəyirəm, hansı hallarda iki övladdan birinin ailəsi mənzildən istifadə hüququndan  məhrum oluna bilər və bu, mənzil özəlləşdirilərkən  həyat yoldaşımı da vərəsəlik üzrə mülkiyyət hüququndan  məhrum edirmi?

 

Rüxsarə Həsənova,

Sumqayıt şəhəri

 

- Siz qanuni qüvvəyə minmiş məhkəmə qətnaməsi əsasında mübahisəli mənzildən çıxarılmısınız. Qaynınızla sizin aranızda olan mübahisənin halları və qəbul olunmuş qətnamə barədə dəqiq məlumat olmadığından sualınızın birinci hissəsini cavablandırmaq mümkün deyil.

Sualınızın ikinci hissəsinə gəldikdə, mənzil qayınatanız tərəfindən özəlləşdirilmədiyindən həyat yoldaşınızın ona münasibətdə vərəsəlik hüququ üzrə mülkiyyət hüququndan danışmaq mümkün deyil.

Bundan başqa, həyat yoldaşınız mübahisəli mənzildə mərhum atası ilə birlikdə yaşamadığından sonuncunun vəfatı ilə əlaqədar ərinizin həmin mənzilin kirayəçisi kimi tanınmasını tələb etmək hüququ yoxdur. Çünki Azərbaycan Respublikası Mənzil Məcəlləsinin 68.1-ci maddəsinə görə, sosial kirayə müqaviləsi üzrə yaşayış sahəsi kirayəçisinin ailə üzvlərinə kirayəçi ilə birgə yaşayan əri (arvadı), habelə onun uşaqları və valideynləri aiddir. Həmin Məcəllənin 81.2-ci maddəsinə görə kirayəçinin mülki hüquqi fəaliyyət qabiliyyətli ailə üzvü digər ailə üzvlərinin və kirayəyə verənin razılığı ilə əvvəl bağlanmış sosial kirayə müqaviləsi üzrə ilkin kirayəçi əvəzinə özünün kirayəçi kimi tanınmasını tələb etmək ixtiyarı vardır. Bu hüquq kirayəçinin vəfat etdiyi halda onun fəaliyyət qabiliyyətli bütün ailə üzvlərinə məxsusdur.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video