28 Oktyabr 2011 01:10
814
Milli Məclis
A- A+

Avropa İttifaqı ilə Azərbaycan arasında əlaqələr yüksələn xətlə inkişaf edir

 

Oktyabrın 27-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov  Avropa İttifaqının Cənubi Qafqaz və Gürcüstan üzrə xüsusi nümayəndəsi Flip Lefortun rəhbərlik etdiyi nümayəndə heyəti ilə görüşmüşdür.  Komitənin sədri qeyd etmişdir ki, səfər parlamentlərarası münasibətlərin möhkəmləndirilməsinə yaxşı töhfə verəcək. Daha sonra qonaqlara dövlət müstəqilliyinin bərpasının 20 illiyini qeyd edən ölkəmizin qazandığı nailiyyətlər barədə geniş məlumat verən Səməd Seyidov siyasi, iqtisadi və digər sahələrdə həyata keçirilən islahatlardan, Ermənistanın Azərbaycana qarşı yürütdüyü işğalçılıq siyasətindən, bunun nəticəsində azərbaycanlı qaçqın və məcburi köçkünlərin pozulmuş hüquqlarından danışmışdır.

Avropa İttifaqının Cənubi Qafqaz və Gürcüstan üzrə xüsusi nümayəndəsi Flip Lefort demişdir ki, Azərbaycanın son illərdə əldə etdiyi uğurlar göz qarşısındadır. Azərbaycan təkcə uğurlu iqtisadi inkişafa deyil, həm də zəngin mədəniyyətə sahibdir. O, Dağlıq Qarabağ münaqişəsindən söz açaraq bildirmişdir ki, Avrora İttifaqının parlament iclaslarında bu məsələ tez-tez gündəmə gətirilir.  İnanırıq ki, bu problem Azərbaycanın ərazi bütövlüyü çərçivəsində öz həllini tapacaq.

Sonda tərəflər arasında digər məsələlər ətrafında da fikir mübadiləsi aparılmışdır.

 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video