18 Oktyabr 2011 04:10
879
Milli Məclis
A- A+

Ortaq mənəvi dəyərlər əlaqələrin inkişafına xidmət edir

 

Oktyabrın 17-də Azərbaycan-Küveyt parlamentlərarası əlaqələr üzrə işçi qrupunun üzvləri ölkəmizdə səfərdə olan küveytli həmkarları ilə görüşdülər. Qonaqları salamlayan işçi qrupunun üzvü, Milli Məclisin İqtisadi siyasət komitəsi sədrinin müavini Çingiz Əsədullayev onları parlamentdə görməyindən məmnun olduğunu bildirdi.

Deputat ölkələrimiz arasında sıx əməkdaşlığın olduğunu vurğulayaraq, gələcəkdə  əlaqələrin daha da inkişafına ümid etdiyini söylədi, dini və mədəni köklərimizin bağlılığının bu münasibətlərin möhkəmlənməsinə yaxşı zəmin yaratdığını qeyd etdi. Ermənistan-Azərbaycan, Dağlıq Qarabağ münaqişəsi barədə qonaqlara ətraflı  məlumat verən Çingiz Əsədullayev Küveytin ölkəmizin ərazi bütövlüyünü dəstəkləməsini yüksək qiymətləndirdi.

Səmimi qəbula görə minnətdarlığını bildirən Küveyt Dövləti Millət Məclisinin Küveyt-Azərbaycan dostluq qrupunun rəhbəri Vəlid Musaid Əl-Tabtabayi iki ölkə arasında bütün sahələrdə əlaqələrin yüksələn xətlə inkişaf etdiyini bildirdi. Hər iki ölkənin rəhbərlərinin dost münasibətini diqqətə çəkən qonaq, dostluq qrupu olaraq ilk səfərlərini Azərbaycana etdiklərini dedi. Vəlid Musaid Əl-Tabtabayi onu da bildirdi ki, Azərbaycan müstəqillik əldə etdikdən sonra Küveyt dövləti həmişə ölkəmizin yanında olmuşdur.

Görüşdə qarşılıqlı maraq doğuran məsələlər müzakirə olundu.

 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video