15 Oktyabr 2011 07:10
799
Milli Məclis
A- A+

Azərbaycan Cənubi Qafqazda sülhün və sabitliyin qorunmasında vacib rola malikdir

 

Ölkəmizdə səfərdə olan İtaliya Senatının nümayəndələri oktyabrın 14-də Milli Məclisin Azərbaycan-İtaliya parlamentlərarası əlaqələr üzrə işçi qrupunun üzvləri ilə görüşmüşlər. 

AzərTAc xəbər verir ki, işçi qrupunun rəhbəri, deputat Azər Kərimli italiyalı senatorların Bakıya səfərlərinin çox əlamətdar bir dövrə - Azərbaycanın dövlət müstəqilliyinin bərpasının 20-ci ildönümünə təsadüf etdiyini bildirmişdir. O demişdir ki, İtaliya Azərbaycanın dövlət müstəqilliyini tanıyan ilk dövlətlərdəndir və bu gün iki dost ölkə arasında əlaqələr yüksək səviyyədədir.

Qrupun rəhbəri müstəqilliyin ilk illərində Azərbaycanın üzləşdiyi problemlər, Ermənistanın hərbi təcavüzü barədə qonaqlara ətraflı məlumat vermişdir. Bildirilmişdir ki, ulu öndər Heydər Əliyevin hakimiyyətə qayıdışından sonra cəbhədə atəşkəsə nail olunmuş, Azərbaycanın həyatında yeni inkişaf dövrü başlanmışdır. Bir sıra dövlətlər, o cümlədən İtaliya Dağlıq Qarabağ məsələsində Azərbaycanın haqlı mövqeyini dəstəkləyirlər. İtaliya parlamentində Cənubi Qafqazdakı vəziyyətlə, xüsusilə də Dağlıq Qarabağla bağlı qətnamənin qəbulu, bu sənəddə Azərbaycanın ərazi bütövlüyünün dəstəklənməsi bunu bir daha sübut edir.

İtaliya Senatında İtaliya-Azərbaycan parlamentlərarası dostluq qrupunun rəhbəri, senator xanım Rossana Boldi dövlət müstəqilliyinin bərpasının 20-ci ildönümü münasibətilə Azərbaycan xalqını təbrik etmişdir. O demişdir ki, Azərbaycan 20 ildə çox böyük inkişaf yolu keçmişdir və bunu paytaxtın mənzərəsini seyr edərkən görmək olur. Senator vurğulamışdır ki, İtaliya parlamentində Dağlıq Qarabağ münaqişəsi tez-tez müzakirə olunur. İtaliya hökuməti və biz belə  hesab edirik ki, Azərbaycan Cənubi Qafqazda sülhün və sabitliyin qorunmasında, regionun inkişafında vacib rola malikdir. Biz Azərbaycanın bu rolunu yüksək qiymətləndiririk və düşünürük ki, Dağlıq Qarabağ münaqişəsi tezliklə öz ədalətli həllini  tapmalıdır, regionda sülh və sabitlik bərpa olunmalıdır.

Görüşdə ikitərəfli əlaqələrin inkişaf perspektivləri, qarşılıqlı səfərlərin təşkili və s. məsələlər ətrafında fikir mübadiləsi aparılmışdır

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video