12 Oktyabr 2011 01:10
860
Milli Məclis
A- A+

«Sərhədlər üzərindən əlaqələrin qurulması» adlı beynəlxalq konfransda bir sıra vacib məsələlər müzakirə olunmuşdur

 

Oktyabrın 11-də Milli Məclisdə GUAM Parlament Assambleyası və Baltik Assambleyasının "Sərhədlər üzərindən əlaqələrin qurulması" mövzusunda birgə təşkil etdikləri beynəlxalq konfransın yekunlarına həsr olunmuş mətbuat konfransı keçirilmişdir.

AzərTAc xəbər verir ki, Azərbaycanın GUAM PA-dakı nümayəndə heyətinin rəhbəri Elton Məmmədov bildirmişdir ki, konfrans həm GUAM, həm də Baltik ölkələri üçün böyük əhəmiyyət kəsb edir.

 Qeyd olunmuşdur ki, konfransda 4 məsələ - enerji bazarının inkişafı, dəyişən geosiyasi vəziyyətdə təhlükəsizlik, Avropaya inteqrasiya, elmi əməkdaşlıq və nanotexnologiyalar mövzularında müzakirələr aparılmış və yekun qətnamə qəbul edilmişdir.

Bildirilmişdir ki, belə tədbirlər tərəflər arasında gələcək əməkdaşlığın inkişafına xidmət edir. 

 Baltik Assambleyasının vitse-prezidenti Yanis Reirs əlavə etmişdir ki, qəbul olunmuş yekun qətnamədə konfrans iştirakçılarının və beynəlxalq ictimaiyyətin GUAM ölkələri ərazisindəki münaqişələrin sülh yolu ilə həllini və dövlətlərin ərazi bütövlüyünü dəstəkləməsi məsələsi də əksini tapmışdır. O, GUAM ölkələrinin Avropaya inteqrasiyası istiqamətində nəzərdə tutulan tədbirlər barədə də məlumat vermişdir.

Çıxış edən GUAM PA-nın sədri, qurumdakı Moldova nümayəndə heyətinin rəhbəri Anatoli Dimitriu vurğulamışdır ki, yaxın vaxtlarda GUAM-ın büro iclası keçiriləcək və bu iclasda iştirakçı dövlətlərlə bağlı zəruri məsələlər müzakirə olunacaqdır.

Sonra jurnalistləri maraqlandıran suallar cavablandırılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video