Küveyt-Azərbaycan əlaqələri inkişaf mərhələsindədir
Mayın 16-da Küveyt Millət Məclisinin Küveyt-Azərbaycan dostluq qrupunun rəhbəri Mübarək Saleh əl-Nəcədə Azərbaycan-Küveyt parlamentlərarası dostluq qrupunun üzvləri ilə görüşüb. Görüşdə ölkələrarası siyasi, iqtisadi, mədəni və digər əlaqələr müzakirə olunub.
Azərbaycan-Küveyt parlamentlərarası dostluq qrupunun rəhbəri Hüseynbala Mirələmov qonaqları salamlayaraq bildirib ki, əvvəllər iki ölkənin parlamentlərarası əlaqələri zəif olub: "Sizin bu vəzifəyə gətirilməyiniz, hesab edirəm ki, ikitərəfli əlaqələrimizdə bir dönüş yaradacaq. Biz səfəriniz zamanı çalışacağıq ki, Azərbaycanı daha yaxşı tanıyasınız. Hazırda Azərbaycan sürətli inkişaf dövrünü yaşayır". H.Mirələmov Azərbaycan Milli Məclisində demokratik, işgüzar mühitin olduğunu da qonağın diqqətinə çatdırıb. Vurğulayıb ki, parlamentdə qanunların qəbulu zamanı hər bir deputatın rəyinə hörmətlə yanaşılır. O, Ermənistan-Azərbaycan, Dağlıq Qarabağ münaqişəsinə də toxunub. Bildirib ki, dünya bu məsələyə ikili yanaşır: "Hesab edirik ki, bütün müsəlman dövlətləri dünyadakı ikili standartlara yox deməlidir. Bu məsələdə sizin də haqq səsinizi qaldırmağınız bizim üçün vacibdir".
Küveyt Millət Məclisinin Küveyt-Azərbaycan dostluq qrupunun rəhbəri Mübarək Saleh əl-Nəcədə isə qeyd edib ki, bir çox ölkələrdə rəsmi səfərlərdə olublar, müştərək mənafelər naminə görüşlər keçiriblər: "Amma Azərbaycanla müştərək mənafeləri aşaraq daha sıx əlaqələr qurmağa çalışırıq. Çünki Azərbaycan bizə çox yaxın bir ölkədir. Bura gəlişimizin səbəbi tək siyasi deyil, həm də iqtisadi, mədəni əlaqələrimizi inkişaf etdirməkdir. Çalışacağıq ki, bu istiqamətdə bütün səylərimizi gücləndirək". Mübarək Saleh əl-Nəcədə Azərbaycanın ümummilli lideri Heydər Əliyevin ehtiramla yad edildiyini və onun layiqli davamçısı Prezident İlham Əliyevin Küveyt xalqı arasında böyük nüfuz sahibi olduğunu bildirib.
Elgün MƏNSİMOV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Elmira Süleymanova II Fəxri xiyabanda dəfn olunub
25 Aprel
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNƏCƏK ...
25 Aprel
Britaniya alimləri xərçəngin müalicəsində mühüm addım atıblar
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!