Keçmiş prezidentlərlə bağlı Konstitusiya Qanununun layihəsi parlamentin müzakirəsinə çıxarılacaq
Oktyabrın 5-də Milli Məclisin Hüquq siyasəti və dövlət quruculuğu komitəsinin iclası keçirildi. Komitənin sədri Əli Hüseynli gündəlikdə "Azərbaycan Respublikasının keçmiş Prezidentinin və onun ailə üzvlərinin təminatı haqqında" Azərbaycan Respublikasının Konstitusiya Qanununun layihəsinin olduğunu bildirdi. Onun sözlərinə görə, bu qanun layihəsinin hazırlanması 2009-cu ildə Konstitusiyanın 108-ci maddəsinə edilən dəyişiklikdən sonra hüquqi zərurət kimi meydana çıxmışdır.
İclasda iştirak edən Milli Məclis Apa
ratının rəhbəri, layihəni hazırlayan işçi qrupunun başçısı Səfa Mirzəyev bildirdi ki, prezident üsul-idarəsi olan ölkələrin əksəriyyətində belə qanunlar mövcuddur. Layihənin hazırlanması zamanı xarici dövlətlərin təcrübəsi öyrənilib. Səfa Mirzəyev dedi ki, layihədə keçmiş prezidentlə bağlı 8 növ təminat öz əksini tapıb. Bunlardan biri keçmiş prezidentin pensiya və onun ailə üzvlərinin təminatıdır. Layihəyə əsasən keçmiş prezident Azərbaycan Respublikasının Prezidenti vəzifəsində olan şəxsin əsas aylıq əmək haqqının 50 faizinə bərabər tutulan pensiya almalıdır. Lakin digər bəndə əsasən Konstitusiyanın 107-ci maddəsinə uyğun olaraq impiçment qaydasında Azərbaycan Prezidenti vəzifəsindən kənarlaşdırılmış şəxs pensiyanı almaq hüququna malik deyil. Layihəyə əsasən keçmiş prezident vəfat etdikdə onun pensiyasını həyat yoldaşı, həyat yoldaşı olmadıqda öhdəsində olan uşaq ala bilər.
Digər təminat toxunulmazlıqla bağlıdır. Layihəyə əsasən keçmiş prezident Azərbaycan Prezidenti seçilməmişdən əvvəl və Azərbaycan Prezidenti səlahiyyətlərinin icrası zamanı etdiyi hərəkətlərə (hərəkətsizliyə) görə inzibati və cinayət məsuliyyətinə cəlb edilə bilməz. Toxunulmazlıq onun həyat yoldaşına da şamil olunur. Amma keçmiş prezident və onun həyat yoldaşı cinayət başında yaxalanarsa, tutula bilər. Belə olduqda dərhal Azərbaycan Respublikasının Baş prokuroruna məlumat verilməlidir.
Bunlardan başqa, layihədə keçmiş prezidentin təhlükəsizlik, tibbi və nəqliyyat təminatları, nümayəndəlik xərcləri, həmçinin özünün və həyat yoldaşının ömürlük diplomatik pasportla təmin olunmaları məsələləri öz əksini tapıb. Təminatlar sırasında keçmiş prezidentin şəxsi arxivinin saxlanılması da var.
Müzakirələr zamanı parlamentin Hüquq siyasəti və dövlət quruculuğu komitəsinin sədri Əli Hüseynli, deputatlardan Rafael Cəbrayılov, Fəzail Ağamalı və Çingiz Qənizadə layihə ilə bağlı təkliflərini bildirdilər. Yekunda deputatların rəy və təklifləri nəzərə alınmaqla Konstitusiya Qanununun layihəsi Milli Məclisin plenar iclasına tövsiyə olundu.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!