04 Oktyabr 2011 01:10
994
Milli Məclis
A- A+

Milli Məclisdə «Demokratiya və vətəndaşların seçki hüquqları» mövzusunda beynəlxalq seminar keçirilmişdir

 

Oktyabrın 3-də Azərbaycan Respublikası Milli Məclisində  "Demokratiya və vətəndaşların seçki hüquqları" mövzusunda beynəlxalq  seminar keçirilmişdir.

AzərTAc xəbər verir ki, Milli Məclis Sədrinin birinci müavini Ziyafət Əsgərov tədbiri açaraq qonaqları parlament rəhbərliyi adından salamlamış, seminarın işinə uğurlar arzulamışdır. Z.Əsgərov seminarın mövzusunun aktual bir məsələyə həsr olunduğunu bildirmiş, Azərbaycanın seçki təcrübəsi, bu sahədə qəbul olunmuş qanunlar və qanunvericilik aktları barədə məlumat vermişdir. Z.Əsgərov bildirmişdir ki, 1993-cü ildən başlayaraq Azərbaycanda demokratik seçki ənənəsi formalaşmağa başlamışdır. Hazırda Azərbaycanda tam formalaşmış demokratik seçki sistemi vardır. Bugünə qədər Azərbaycanda 4 prezident, 4 parlament, 4 referendum və 3 bələdiyyə seçkisi keçirilmişdir. Bu seçkilər beynəlxalq təşkilatlar tərəfindən də yüksək qiymətləndirilmişdir. Bu illər ərzində Azərbaycan xalqı seçki mədəniyyətini kifayət qədər mənimsəmişdir.

Tədbirdə iştirak edən MDB Parlamentlərarası Assambleya Şurasının baş katibi Mixail Krotov demişdir ki, Azərbaycanın seçki təcrübəsi Birliyin digər ölkələri üçün nümunə ola bilər. Son illərdə Azərbaycanda keçirilən seçkilərdə tətbiq edilən yeniliklər bunun bariz nümunəsidir və biz bu təcrübədən istifadə etməliyik.

Sonra "Azərbaycan Respublikasında demokratik seçki təcrübəsi: parlament ölçüsü" kitabının təqdimat mərasimi olmuşdur. M.Krotov Azərbaycan və rus dillərində çap olunan kitabla bağlı geniş məlumat vermişdir.

Milli Məclis Aparatının rəhbəri Səfa Mirzəyev də Azərbaycanın seçki təcrübəsi, bu sahədə qəbul edilən qanunlar və qanunvericilik aktları barədə danışmışlar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video