Vətən müharibəsinin əbədiləşən tarixləri
Ərazilərini işğaldan azad edən xalqımız Vətən müharibəsində özünün zəngin qəhrəmanlıq tarixinə yeni səhifələr yazdı. Bu möhtəşəm zəfər göstərdi ki, Azərbaycan tarixinin ən güclü dövrünü yaşayır. Bütün dünya gördü ki, Ulu Öndər Heydər Əliyevin xilas etdiyi və yenidən qurduğu, Prezident İlham Əliyevin qüdrətləndirdiyi müasir dövlətimiz indi istənilən problemini həll etməyə qadirdir.
Müqəddəs savaş
Ötən 28 ildə ATƏT-in Minsk qrupunun vasitəçiliyi ilə aparılan danışıqlar nəticə vermədiyindən problemin müharibə yolu ilə həllinin mümkünlüyü dəfələrlə gündəmə gəlib. Açıq siyasət yürüdən Azərbaycan işğal olunmuş torpaqlarını günlərin birində döyüş yolu ilə azad edə biləcəyini heç vaxt gizlətməyib. Ordunun gücləndirilməsi, müasir döyüş əməliyyatlarının aparılmasına imkan verən yüksək dəqiqlikli silahların qoşunların arsenalına daxil edilməsi, hərbi sənaye kompleksinin yaradılması kimi addımlar da məhz bu məqsədə xidmət edirdi.
Qarabağda yenidən hərbi əməliyyatların başlanacağı təqdirdə üstünlüyün Azərbaycan Ordusunun tərəfində olacağı sirr deyildi. Elə sentyabrın 27-də Füzulinin və Cəbrayılın bir neçə kəndinin işğaldan azad edilməsi müharibənin Azərbaycanın qələbəsi ilə başa çatacağının anonsu idi. Əməliyyatların davam etdiyi 44 gün ərzində torpaqlarımızın sürətlə azad edilməsi tərəflərin qüvvə nisbəti ilə bağlı həqiqətləri ortaya qoydu. Məlum oldu ki, Azərbaycan bu illərdə yeni ordu yaradanda Ermənistan öz ordusunu respublikamızın döyüş imkanları qarşısında heç nəyə yaramayan texnikalarla doldurmaqla məşğul imiş.
Bu müharibə Azərbaycan xalqının öz vətəni uğrunda müqəddəs savaşı idi. 30 il əvvəl başlasa da, bu savaş bitməmişdi, başa çatmamışdı. Amma ədalət bərpa edilməli, torpaqlarımız azad olunmalı, qisas alınmalıydı. İlham Əliyevin rəhbərliyi ilə tarixinin ən qüdrətli dövrünü yaşayan dövlətimiz bunu bacardı, savaşı bitirdi, həm də Qələbə ilə.
İftixarla qeyd edəcəyimiz Zəfər Günü
Bu qələbənin müəllifi İlham Əliyevin Ali Baş Komandanı olduğu müzəffər Azərbaycan Ordusudur. Xalqımıza bu zəfəri yaşadanlar bizim əsgərlərimiz və zabitlərimizdir. 44 gün ərzində rəşadətli ordumuz bir-birinin ardınca Cəbrayıl, Füzuli, Zəngilan, Qubadlı rayonlarını, ümumilikdə 300-ə yaxın yaşayış məskənini işğaldan azad etdi.
Mədəniyyətimizin məbədi, milli qürurumuzun tacı olan Şuşanın noyabrın 8-də azad edilməsi isə Vətən müharibəsinin həlledici məqamı oldu. Məhz Şuşanın azad edilməsindən sonra məğlub olduğunu etiraf edən Ermənistanın hərbi-siyasi rəhbərliyi Ali Baş Komandan İlham Əliyevin şərtlərini qəbul etməyə razı oldu. Şuşanın azad edilməsi nəticəsində Ermənistan kapitulyasiyaya məcbur qaldı və bunun nəticəsində Azərbaycan Ordusu bir güllə də atmadan Ağdam, Kəlbəcər və Laçın rayonlarını işğaldan azad etdi.
Xalqımızın əzmi və iradəsi, güclü ordunun yaradılması və milli həmrəylik Vətən müharibəsindəki qələbəni təmin edən mühüm amillər oldu. Azəraycan şanlı qəhrəmanlıq salnaməsi yazaraq, qalib xalq olduğumuzu bütün dünyaya sübut edib tarixi zəfəri qazandı. Prezident İlham Əliyevin sərəncamı ilə xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbənin əbədiləşdirilməsi məqsədilə hər il noyabr ayının 8-i Azərbaycan Respublikasında Zəfər Günü kimi təntənəli şəkildə qeyd ediləcək.
Bu sərəncam bütün ölkə ictimaiyyəti tərəfindən böyük razılıqla qarşılandı. Bununla da Azərbaycanda qeyd olunan əlamətdar tarixlərin sırasına bir dövlət bayramı da əlavə olundu. Bu bayramı xalqımız səbirsizliklə gözləyirdi. Ona görə 8 Noyabr Zəfər Günü xalqımızın ən müqəddəs və gözəl bayramlarından biri kimi hər zaman qürurla, iftixarla qeyd ediləcək.
Şəhidlərin xatirəsi hər zaman ehtiramla anılacaq
Azərbaycan Prezidenti, Müzəffər Ali Baş Komandan İlham Əliyev döyüşlərdə yaralanan hərbçilərlə görüşü zamanı deyib: "Ancaq mən bunu artıq bir neçə dəfə demişəm, bu qələbəni qazanan bizim texniki vasitələr yox, əsgər və zabitlərimizdir. Onlar torpağımızı düşməndən qarış-qarış azad edə-edə bu Qələbəni, bu Zəfəri xalqımıza nəsib etdilər. Ona görə bu qələbənin birinci qəhrəmanı Azərbaycan əsgəridir, Azərbaycan zabitidir və hər kəs bunu bilməlidir”.
Bəli, Azərbaycan Ordusunun əsgərləri, zabitləri, gizirləri 44 günlük müharibədə xalqımızın qəhrəmanlıq salnaməsini öz hərbi nümunələri ilə zənginləşdirdilər. Onlar igidlikləri ilə dastana döndülər, bütün dünyaya göstərdilər ki, Azərbaycan əsgərinin cəsarəti qarşısında düşmən dayana bilməz, məğlub olmağa məhkumdur.
Ermənistanın cəbhə xəttində möhkəmləndirdiyi, keçilməz etdiyi mövqeləri yaranlar Azərbaycan əsgərləridir. Onlar öz rəşadətləri, qorxmazlıqları ilə strateji yüksəklikləri, möhkəmləndirilmiş döyüş mövqelərini bircə həmlədə ələ keçirdilər. Elə bir döyüş olmadı ki, əsgərlərimiz geri çəkilsinlər, əksinə hər döyüşdən-döyüşə atəş zərbələri altında və çətin coğrafi relyef və iqlim şəraitində torpaqlarımızı azad etdilər. Hər bir şəhər və kəndin azad olunması əsgərlərimizin qəhrəmanlığı, qanı sayəsində mümkün oldu. Şuşanın azad edilməsi isə Azərbaycan əsgərinin timsalında dünya hərb elminə düşən və öyrənilməli unikal qəhrəmanlıq nümunəsidir.
Vətən övladları bu yolda ölümə meydan oxudular, torpaqlarımızın azadlığı uğrunda canlarından keçərək müqəddəs şəhidlik zirvəsinə ucaldılar. 44 gün davam edən döyüşlərdə ordumuzun 2783 nəfər döyüşçüsü qəhrəmancasına həlak oldu. Biz bu gün torpaqlarımızın azadlığına, ərazi bütövlüyümüzün bərpasına görə bu şəhidlərimizə borcluyuq. Onlar Azərbaycanı, xalqımızı öz canları, qanları ilə qalib etdilər.
Bu müharibədə mülki vətəndaşlarımız da həlak oldular. Azərbaycan Ordusunun zəfər yürüşünə dözə bilməyən düşmən təxribatlara əl atdı, günahsız dinc insanları, o cümlədən uşaqları, körpələri qətlə yetirməklə müharibə cinayətləri törətdi.
Vətən uğrunda şəhid olan, canından keçən qəhrəman oğullarımız xalqımızın qəlbində əbədi yaşayacaqlar. Prezident İlham Əliyevin sərəncamına əsasən, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiramın əlaməti olaraq hər il sentyabrın 27-si respublikamızda Anım Günü kimi qeyd ediləcək.
Xalqımız canından keçən övladlarının xatirəsini hər zaman ehtiramla anacaq. Şəhidlərimizin qəhrəmanlığı, şücaəti böyüməkdə olan nəsillərin yollarına işıq salacaq, onlara hər zaman ilham verəcək.
Rəşad CƏFƏRLİ,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!