00:23 24 Yanvar 2021
ONLINE XƏBƏR LENTİ
00:21 24.01.2021

Məmmədbəyli türbəsi


00:19 24.01.2021

Saatlı məscidi


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Şahmatçılarımız dünya reytinqində irəliləyiblər
ANA SƏHİFƏ / İDMAN
13:25 01.12.2020

Beynəlxalq Şahmat Federasiyası (FIDE) dekabr ayı üçün reytinq cədvəlini açıqlayıb.

AZƏRTAC xəbər verir ki, ilk onluqda ötən ayda olduğu kimi Azərbaycanın 2 şahmatçısı yer alıb. Şəhriyar Məmmədyarov 8-ci (2770), Teymur Rəcəbov (2765 xal) isə 10-cudur.

İlk yüzlükdə isə 3 şahmatçımız yer alıb. Belə ki, Nicat Abbasov (2668 xal) və Qədir Hüseynov (2665 xal) 1 pillə irəliləyərək, müvafiq olaraq, 71-ci və 74-cü yerlərdə qərarlaşıblar. Rauf Məmmədov (2654 xal) isə 3 pillə irəliləyib – 92-ci yer.

Siyahıya əvvəlki kimi norveçli dünya çempionu Maqnus Karlsen (2862 xal) başçılıq edir. ABŞ təmsilçisi Fabiano Karuana (2823 xal) ikinci, çinli Liren Dinq (2791 xal) isə üçüncü pillədədirlər.

Qadınların reytinq cədvəlinin ilk yüzlüyündə Azərbaycan şahmatçılarından Günay Məmmədzadə 2443 xalla 1 pillə irəliləyərək 31-ci yerdə qərarlaşıb. Bir pillə geriləyən şahmatçılarımız - Gülnar Məmmədova (2382 xal) 81-ci, Xanım Balacayeva (2376 xal) 90-cı mövqeni tuturlar.

Qadınların reytinq cədvəlinə çinli Hou Yifan (2658 xal) başçılıq edir. Rusiyalı Aleksandra Qoryaçkina (2593 xal) və hindistanlı Hampi Koneru (2586 xal) ilk üçlüyü tamamlayıblar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM