Əsgər anaları Paşinyandan hesabat tələb edirlər
Ermənistan rəhbərliyi isə həbslər aparmaqla ictimai qəzəbdən xilas olmaq istəyir
Ermənistandakı vəziyyət hakimiyyətə qarşı narazılığın miqyasının gündən-günə genişləndiyini göstərir. Müharibədəki məğlubiyyətdən sonra Paşinyan iqtidarının durumu daha da ağırlaşıb. Ermənistan mətbuatının yazdığına görə, 44 günlük müharibə göstərdi ki, ölkənin idarəetmə proseslərinin kökündəki sistem və struktur problemləri dərinləşib. Bu fonda isə ölkədə vətəndaş faktoru hiss olunacaq dərəcədə fəallaşıb. Bunu sosial şəbəkələrdə daha qabarıq görmək mümkündür.
Baş nazir psixi pozuntulardan əziyyət çəkir
Çətin duruma düşən Ermənistan rəhbərliyi vəziyyətdən çıxış yolunu günahkar axtarışında və həbslər aparmaqla, kadr dəyişiklikləri həyata keçirməklə ictimai qəzəbdən xilas olmaqda görür. Amma onların bu addımları da ictimai qəzəbi azaltmır. Artıq Ermənistanın Xüsusi İstintaq Xidməti ordunun baş qərargahının sabiq rəisi, ikinci Qarabağ müharibəsi dövründə baş hərbi müfəttiş olan general M.Akopyanın mətbuat konfransında hakimiyyəti kəskin tənqid etdikdən sonra ona qarşı cinayət işi başladıb. Akopyan deyib ki, Nikol Paşinyan psixi pozuntulardan əziyyət çəkir. O, ordunun, müharibənin nə olduğunu bilmir. Akopyan hələ müharibə zamanı Ermənistan Müdafiə Nazirliyinin ictimaiyyətə ötürdüyü məlumatların yüz faizinin yalan olduğunu, müharibənin ilk 5 günündə ordudan 1500 nəfərin fərarilik etdiyini bildirmişdi.
Xatırladaq ki, Akopyan N.Paşinyanın həyat yoldaşını bunkerdən qovduqdan sonra vəzifəsindən uzaqlaşdırılmışdı. Elə buna görə həmin vaxtdan baş nazirin qəzəbinə tuş gəlib. Paşinyan çıxışlarında günahkar axtaranda ilk növbədə Akopyanı hədəfə almışdır.
Bu barədə danışan Ermənistan baş naziri deyib ki, özü həyat yoldaşına "Qarabağ müdafiə ordusu” qərargahının iclasının keçirildiyi bunkeri ziyarət etməyi tapşırmışdı. Bildirib ki, həyat yoldaşı onun göstərişi ilə Xankəndidə generalları ziyarət etmişdi: "Ermənistanın baş nazirinin ailə üzvünün səfərini hərbçilər dəstəkləməli və ruh yüksəkliyi yaratmalı idi. Anna Akopyan Xankəndidəki sığınacaqlarda qida və su paylanması ilə şəxsən məşğul olurdu”.
Lakin görünən odur ki, M. Akopyanın A.Akopyanı qovması Paşinyan üçün göydəndüşmə olub və təsadüfi deyil ki, general məğlubiyyətdə ittiham olunan əsas fiqur olub. Paşinyan təmas xəttinin cənub istiqamətindəki hərbi əməliyyatların uğursuzluğunda da M.Akopyanın günahkar olduğunu deyib. "Cəbhənin cənub istiqamətində iflasa uğrayan general, bir neçə il əvvəl müdafiə nazirliyinin büdcəsindən 42 milyon dollar pul mənimsənilməsi səbəbilə başladılan cinayət işində
ittiham olunduğunu unudaraq mətbuat konfransı keçirir”, - deyə baş nazir bildirib.
Əsgər valideynlərinin etirazları səngimir
Təbii ki, günahkar axtarışı və Paşinyanın digər tədbirləri Ermənistanda vəziyyətin yaxşılaşdırılmasına xidmət etmir. Əksinə, ölkədə vəziyyət gündən-günə ağırlaşır. Hakimiyyət orduda müəyyən işlər gördüyünü iddia etsə də, əvvəllər də müşahidə olunan qanun pozuntuları daha geniş miqyas almağa başlayıb. Erməni ordusunda qeyri-döyüş şəraitindəki itkilər yenə də çoxdur. Bütün bunlar isə, ilk növbədə, Ermənistanda əsgər valideynlərinin hakimiyyətə qarşı daha sərt mövqedən çıxış etməsinə səbəb olub.
Əsgər anaları hökumət binasının qarşısında növbəti etiraz aksiyası keçiriblər. Onlar hökumətdən əsgərlərin öldürülməsinə son qoyulmasını tələb ediblər. Paşinyan hökumət binası qarşısında etiraz aksiyası keçirən hərbi qulluqçuların yaxınlarını qəbul edib. Görüşdən sonra aksiya iştirakçıları bildiriblər ki, Paşinyan daha iki gün ona möhlət verilməsini xahiş edib. Baş nazir bildirib ki, noyabrın 30-da əsgər analarının suallarına dəqiq cavablar verəcək.
Valideynlərdən Aşot Baqdasaryan bildirib ki, Paşinyan problemlərin araşdırılacağına şəxsən zəmanət versə də, onlar inanmayıblar: "Qeyd etdi ki, son cavabı 30 noyabrdan gec olmadan verəcək. Dedik ki, əgər 30 noyabra qədər son cavab olmasa, özümüz uşaqlarımızın dalınca yola düşəcəyik. Hər şey ona aparır ki, biz uşaqların sağ olmasına inanaq. Bizə deyirlər ki, səsimiz həlak olan hərbçilərin valideynlərindən daha uca çıxır. Ən yaxşı halda gözləyirik ki, uşaqlara məzuniyyət verəcəklər”.
Valideynlər övladlarının Ermənistandakı hərbi hissələrə köçürülməsini tələb edirlər. Həmin valideynlərdən biri Mariya Qriqoryan bildirib ki, müharibə müddətində orduda aclıq, səfalət, qanunsuzluq hökm sürüb: "Əsgərlərə lazımi qədər qida vermirlər, onlar aclıqdan əziyyət çəkirlər. Geyimlər isə köhnə və yararsızdır. Övladıma daim bağlamalar, alt paltarı, geyim, çəkmələr alıb göndərirdim. Bəs hanı orduya edilən kömək?! İllərdir heç nə dəyişməyib, əsgərlərin yeməyi, geyimi oğurlanmaqda davam edir. Bu oğurluqlar əsgər ölümü ilə nəticələnən hadisələrə səbəb olur, bunu hamı bilir. Hətta bir dəfə nəzarət-buraxılış məntəqəsində olarkən ət oğurluğunun şahidi oldum”.
Müharibədə məhv olmuş erməni hərbi qulluqçularının valideynlərindən Ruzan Melkumyan isə bildirib ki, hakimiyyətdə olanlar ordunun hesabına yenidən varlanmaq istəyirlər: "Onlar əsgər ölümlərinin qarşısını almaq üçün tədbir görmək əvəzinə, yeni ölümlərə şərait yaratdılar. Valideynlər isə səslərini çıxarmırlar. Hansı əsaslarla erməni əsgərlərini Qarabağın sərhədlərini qorumağa aparırdılar və niyə orada öldürürdülər? Bizim övladlarımızın ora aparılması tamamilə qanunsuz idi”.
Göründüyü kimi, Ermənistandakı böhran və tənəzzül bu ölkənin ordusunda da acınacaqlı durumun yaranması ilə müşayiət olunur. Orduda korrupsiya, rüşvətxorluq, özbaşınalıq həmişəki kimi geniş vüsət alıb. Baş verən qanunsuzluqlar fonunda gənclər hərbi xidmətə getməkdən imtina edir, valideynlər övladlarını ordudan yayındırırlar.
Elçin CƏFƏROV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!