14:44 18 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Baş konsul: Erməni lobbisi dəridən-qabıqdan çıxsa da, sadə həqiqəti dəyişə bilməz: Qarabağ Azərbaycandır!
ANA SƏHİFƏ / SİYASƏT
12:28 26.11.2020

Azərbaycanın Los-Ancelesdəki baş konsulu Nəsimi Ağayevin "Kəlbəcərin işğalı ilə bağlı BMT Təhlükəsizlik Şurasının sənədlərini Fransa səfiri necə zəiflətdi” sərlövhəli ABŞ-ın "Medium” onlayn media platformasında dərc edilib.

Ölkəmizin Los-Ancelesdəki baş konsulluğundan AZƏRTAC-a verilən məlumata görə, məqalədə baş konsul noyabrın 25-də Kəlbəcərin 27 illik işğalına son qoyulduğunu bildirir, bununla on minlərlə məcburi köçkünün öz doğma yurduna qayıda biləcəyini qeyd edir.

N.Ağayev 1993-cü ildə Kəlbəcərin işğalının və orada yaşayan azərbaycanlıların etnik təmizləməyə məruz qalmalarının Ermənistan-Azərbaycan münaqişəsinin ən ağrılı səhifələrindən biri olduğunu bildirir. O, bu xüsusda "Human Rights Watch” təşkilatının hesabatına istinad edərək, Kəlbəcərin işğalı nəticəsində 60 min insanın öz doğma torpaqlarından didərgin salındığını, onların ağır müharibə şəraitində və çətin hava şərtləri altında rayonu tərk etdiyini, çox sayda mülki azərbaycanlının öldürüldüyünü və əsir götürüldüyünü vurğulayır.

Kəlbəcərin işğalı ilə bağlı bu dəhşətli faktların sübutu kimi baş konsul bu yaxınlarda apardığı araşdırmalar zamanı ermənilər tərəfindən çəkilmiş bir videonu üzə çıxardığını və onun sosial şəbəkələrdə geniş yayıldığını qeyd edir. N.Ağayev bildirir ki, sözügedən videoda Kaliforniyada doğulmuş erməni terrorist Monte Melkonyan və onun əlaltıları gülərək və əylənərək Kəlbəcərdəki azərbaycanlı əhaliyə rayonu tərk etmək üçün 10 saat vaxt verdiklərini səsgücləndirici vasitəsilə bildirirlər.

N.Ağayev qeyd edir ki, Kəlbəcərin işğalından dərhal sonra - 1993-cü il aprelin 6-da BMT Təhlükəsizlik Şurası bu işğalı pisləyən və işğalçı qüvvələrin rayon ərazisindən çıxarılmasını tələb edən bəyanat qəbul etmişdi. O, bu yaxınlarda Klinton Prezident Kitabxanası tərəfindən Ermənistan-Azərbaycan münaqişəsi ilə bağlı yayılmış, Dövlət Departamentinin məxfilik qrifi qaldırılmış məktublarına istinad edərək, həmin vaxt Fransanın BMT-dəki daimi nümayəndəsi Jan-Bernard Merimenin (Jean-Bernard Mérimée) Kəlbəcərin işğalı ilə bağlı BMT Təhlükəsizlik Şurasının bəyanatının mətnində əhəmiyyətli dəyişikliklər etməyə nail olduğunu vurğulayır. Belə ki, Jan-Bernard Merime ABŞ-ın BMT-dəki səfiri M.Olbrayt və qurumun Təhlükəsizlik Şurasının digər üzvlərinin təklif etdikləri mətnə qarşı çıxaraq, işğalçı tərəf kimi Ermənistanın təqsirləndirilməsinin qarşısını hər vəchlə almaq üçün Kəlbəcəri işğal edən tərəf kimi sənədə "yerli erməni qüvvələri” ifadəsinin daxil edilməsinə nail olmuşdu. 1993-cü il aprelin 30-da qəbul edilmiş, Kəlbəcərin işğalı ilə bağlı BMT Təhlükəsizlik Şurasının 822 saylı qətnaməsinə də Merimenin səyləri nəticəsində eyni ifadə daxil olunmuşdu.

Baş konsul qeyd edir ki, həmin dövrdə BMT Baş katibinin Təhlükəsizlik Şurasına məsul köməkçisi erməni əsilli Benon Sevan idi. 2000-ci illərin əvvəllərində Sevan və Merime Səddam Hüseyn rejimindən rüşvət almaqda təqsirkar bilinmişdilər.

N.Ağayev Merimenin erməni təəssübkeşliyinin yarım milyonluq erməni icmasının mövcud olduğu Fransanın yürütdüyü diplomatiya ilə də həmahəng olduğunu bildirir. Baş konsul yazır ki, məhz bu səbəbdən Azərbaycan 1997-ci ildə Fransanın Minsk qrupunun həmsədrliyinə gətirilməsinə etiraz etmiş və qrupda müəyyən tarazlığa nail olmaq üçün ABŞ-ın da həmsədr təyin edilməsinə nail olmuşdu.

Erməni lobbisinin təkidi ilə Fransa Senatında qondarma "Dağlıq Qarabağ respublikası”nın "müstəqilliyi”nin tanınmasını hökumətə tövsiyə edən qətnamənin qəbuluna toxunan N.Ağayev qeyd edir ki, belə bir tanıma ciddi beynəlxalq hüquq pozuntusu olmaqla yanaşı, Fransanın Minsk qrupundakı həmsədrliyi statusuna uyğun gəlmir. Baş konsul Fransa prezidenti Emmanuel Makronun bir neçə gün əvvəl sosial şəbəkələrdə yayılan videosunda Dağlıq Qarabağ və yeddi ətraf rayonun Azərbaycanın ərazisi olduğunu bildirməsini də diqqətə çatdırır.

N.Ağayev bildirir ki, erməni lobbisi və onun havadarları nə qədər dəridən-qabıqdan çıxsalar da, həm prezident Makron, ondan da əvvəl isə Rusiya Prezidenti Vladimir Putinin təkrar etdiyi sadə həqiqəti dəyişə bilməzlər: Dağlıq Qarabağ və yeddi ətraf rayon Azərbaycanın ayrılmaz tərkib hissəsidir!



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM