23:47 23 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Erməni vəhşiliyinin qurbanı olan şəhid zabitimiz son mənzilə yola salınıb
ANA SƏHİFƏ / CƏMİYYƏT
18:13 24.11.2020
Erməni vəhşiliyinin növbəti qurbanı olan qəhrəman zabitimiz - Suqovuşan qəsəbəsində minaya düşərək şəhidlik zirvəsinə ucalan korpus komandirinin müavini polkovnik Babək Səmidli noyabrın 24-də Göyçay şəhərində son mənzilə yola salınıb.

AZƏRTAC-ın bölgə müxbiri xəbər verir ki, Şəhidlər xiyabanında izdihamlı keçən dəfn mərasimində şəhid polkovnikin yaxınları, rayon rəhbərləri, hərbçilər, ictimaiyyətin nümayəndələri iştirak ediblər.

Mərasimdə Müdafiyə Nazirliyinin nümayəndələri, şəhidin döyüş yoldaşları Babək Səmidlinin Vətən qarşısındakı xidmətlərindən, torpaqlarımızın erməni işğalçılarından azad edilməsi uğrunda şücaətindən, zabit bacarığından, döyüş yolundan danışıblar. Çıxışlarda Prezident, Müzəffər Ali Baş Komandan İlham Əliyevin rəhbərliyi ilə qısa vaxtda Azərbaycan Silahlı Qüvvələrinin işğalçı Ermənistan ordusu üzərində tarixi zəfərindən, bu qələbədə Babək kimi igid zabit və əsgərlərin qəhrəmanlığından bəhs olunub.

Sonda korpus komandiri, general-mayor Hikmət Həsənov şəhidin cənazəsinin üzərinə örtülən üçrəngli bayrağımızı əbədi saxlaması üçün onun oğluna təqdim edib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM