01:28 24 Yanvar 2021
ONLINE XƏBƏR LENTİ
00:35 24.01.2021

Xalq artisti Eldar Quliyevə


00:28 24.01.2021

Kəndli razılıq edir


00:21 24.01.2021

Məmmədbəyli türbəsi


00:19 24.01.2021

Saatlı məscidi


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İgidlərim, oğullarım...
ANA SƏHİFƏ / MƏDƏNIYYƏT
01:00 24.11.2020


Əsgər teleqramları və şairin cavabı


Xalq şairi Nəriman Həsənzadəyə

Çox hörmətli, qeyrətli, vətənpərvər, sayılıb-seçilən ağsaqqalımız bizə göndərdiyiniz ərizə və məktub-teleqrama görə Sizə və övladlarınıza öz təşəkkür və minnətdarlığımızı bildiririk. Allah Ali Baş Komandanımıza, ordumuza və millətimizə yar olsun. Sizin bizə həsr etdiyiniz şeiri bir-bir hamımız oxuyub əzbərlədik. Sizin əlinizdən öpürük. Yəqin ki, yuxusuz qalıb bu şeiri ərsəyə gətirmisiniz. Allah sizin kimi ağsaqqaları var etsin. Allah millətimizi, birliyimizi əbədi etsin. Biz də söz veririk ki, Ali Baş Komandanımızın bütün əmr və tapşırıqlarını icra edib, torpaqlarımız uğrunda son damla qanımızadək döyüşəcəyik.

Nəriman müəllim, bir daha məktuba görə minnətdarıq.

Heydər Quliyev, Elman Nəzərov, Ramil Ağayev,

Racu Nəbiyev, Təbriz Babayev, Ramil Hacıyev

Füzuli rayonu "N” saylı hərbi hissə

Xalq şairi Nəriman Həsənzadəyə

Xalqımızın şair oğlu, ürəyi Qarabağla döyünən gözəl insan, müdrik ağsaqqal, gözlərin aydın olsun. Qələbə bizimlədir! Biz bunu bacardıq.

Bütün tarixboyu millətimizin arzuladığı Milli Qəhrəman qətiyyətli, qüdrətli Ali Baş Komandanımız sayəsində rəşadətli Ordumuz bu qələbəni qazandı!

Yaşasın Ali Baş Komandanımız! Yaşasın rəşadətli Ordumuz! Yaşasın bütün dünyada yumruq kimi birləşmiş azərbaycanlılar və Azərbaycan! Ruhunuz şad olsun, bayram edən şəhidlərimiz, gözünüz aydın olsun, şəhid doğmaları, gözünüz aydın olsun, qarabağlılar, gözünüz aydın olsun, mənim ağsaqqalım, Nəriman Həsənzadə!

Mənim gücüm və imkanım sənə İsa bulağından su və çox sevdiyin Şuşadan torpaq gətirməyə çatar. Tezliklə görüşənədək.

Hörmətlə,

Heydər QULİYEV,

Füzuli rayonu, "N” saylı hərbi hissə, polkovnik


Dünya susur.

Allah!

Allah!

Dünya laldı,

Dünya kardı.

Düşmənimiz

Bir yalquzaq

canavardı.

Uladıqca dünya susur.

Qərbin

insan hüquqları

hanı belə?

niyə susur?!

Gəncə yanır,

Bərdə yanır.

Göydəkilər

göydə yanır,

yerdəkilər

yerdə yanır.

Paşinyanın

bombaları,

ulayırdı.

Ya biriydi

Ya ikiydi

Gecə yarı,

ulayırdı.

Erməninin züy tutanı

havadarı,

ulayırdı.

Bu xarabə

bayquşları,

ulayırdı.

Yer

qisasa

çağırırdı

yer üzünü.

Bir görmüşdük,

Bir də gördük

ermənin

şər üzünü.

Şaumyan da

istəyirdi,

yüz il qabaq, -

bombalasın,

Gəncə, səni!

Cümhuriyyət vətənimsən,

öncə səni.

O uğursuz,

kor yapalaq!

Filankəsin

Silahdaşı,

"Əziz dostu”

Bakıda milləti qıran.

İstəyirdi...

Gec uçmuşdu

təyyarələr

Moskvadan!

İgidlərim,

oğullarım,

sizinkidir

Bu hisslərim,

duyğularım.

Bu hecalı,

qafiyəli

dualarım!

Şah İsmayil

səngərindən

Tanıdığım

gənc ərlərim!

Zabitlərim,

gizirlərim,

əsgərlərim!

Dağ yanında

bir dağsınız.

Yer tərpənsə,

uçmazsınız,

dayaqsınız.

Top dalında,

tank içində,

Yatmazsınız,

oyaqsınız.

Torpaqsınız,

Vətənsiniz,

Bayraqsınız.

Sizi görən

zəlil düşmən

Atəş açır: səngərimə

Sinəmdəki

mənim

şeir

dəftərimə.

Heydərlərim,

Ramillərim,

Racularım,

Mənim başıucalarım!

comərdlərim!

Təbrizlərim,

Elmanlarım,

Namiklərim.

Hərəniz bir

arxamsınız,

hərəniz bir

şah əsərim.


Nəriman HƏSƏNZADƏ,

Xalq şairi


Noyabr 2020



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM