00:43 20 Yanvar 2021
ONLINE XƏBƏR LENTİ
23:13 19.01.2021 Faktiki hava proqnozu
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Torpaq onu qoruyanların hesabına Vətən olur
ANA SƏHİFƏ / CƏMİYYƏT
00:55 24.11.2020


Vətən müharibəsi başlayan kimi qara buludları dəf etmək, azadlıq mücadiləsinə öz payını verməyə tələsən oğullardan biri də Fərahim Hüseynovdur. 1999-cu ildə Sumqayıtda doğulub. Valideynləri Ağdam rayonundandır. 1993-cü ildə onlar məcburi köçkün kimi Sumqayıta pənah gətirəndə bir gün ora qayıdacaqlarına əmin idilər.

- Mən həmişə inanmışam ki, nə zamansa bu, baş verəcək, - deyə Fərahimin atası İbrahim Hüseynov bildirir. - Çox çətinliklərlə üzləşdik. Əsla ümidimizi itirmədik. Burada ailə qurmuşam.

Fərahim Sumqayıt şəhər 13 saylı tam orta məktəbdə oxuduğu zaman ictimai işlərdə fərqlənirdi. "Şahin” hərbi-idman yarışlarında ilk dəfə məktəblərinə fəxri fərman da qazandırmışdı.

- Bir gün dərsdən evə gəldi, - İbrahim söhbətinə davam edir. - Onu belə görməmişdim. Düşündük ki, yəqin kiminləsə savaşıb. Anası Nurəngiz, bala, nə olub, deyə soruşanda, biz nə vaxtadək qaçqın olacağıq, cavabını verdi. Tutuldum, səbəbini soruşanda, mən babalarımın yurdunu görmək istəyirəm, dedi. Sonra da əlavə etdi ki, hamı yayda öz kəndinə gedir, biz isə oralara getmək barədə heç söz də açmırıq. Qoy böyüyüm, ermənilərin başını əzib, o yerlərə sizi özüm aparacam. Anası onu qucaqlayıb, ay mənim əsgər balam, vallah, sən dediyini eləsən, evimizin yuxarı başından sənin şəklini asacam, dedi.

Orta məktəbi qurtaranda test imtahanından lazımi balı toplaya bilmədi. Fərahim əsgəri xidmətə yollandı. İlyarım həqiqi hərbi xidmət keçdi. Hərbi qaydalara vaxtında yiyələndi, əsgəri şücaəti nəticəsində komandanlığın dəfələrlə təşəkkürünə, fəxri fərmanlara layiq görüldü. Xidmətini baş çavuş kimi bitirdi.

Atası İbrahim ötən günləri gözləri yol çəkərək xatırlayır:

- Vətən müharibəsi başlayan gün evdə oturmuşduq. Xəbəri televiziyadan alan kimi üzümə baxdı. Sakitcə yerindən qalxdı: "Mən cəbhəyə getmək üçün ərizə verməyə gedirəm. Bəsdi, bu köpək uşağının qabağından qaçdıq. İnşallah, qələbə ilə qayıdacam” - dedi. Bir an sakitlik yarandı. Anası onun üzünə baxıb bildirdi: "Get oğul, yolun açıq olsun”.

Ordu sıralarına könüllü kimi yazılan Fərahim döyüşə gedəcəyi anı 20 gün gözləməli oldu. Həmin günlər Fərahim hər gün səfərbərlik idarəsinə gedirdi. Nəhayət, oktyabrın ortalarında ona çağırış gəldi.

- Evdə yır-yığış edirdik. Onun mənə sərt söz dediyini xatırlamıram. Amma yola salanda üzünü bizə tutub belə dedi: "Ata, sizin buraxdığınız səhvi biz düzəldəcəyik. Gələcək nəslə problem qoymayacağıq. Erməninin yerini, kim olduqlarını onlara göstərəcəyik”.

Füzuli, Zəngilan, Şuşa uğrunda gedən döyüşlərdə iştirak edən Fərahim öz əqidəsini vətən sevgisinə qatıb düşmənə qan uddurdu. Bu günlər evlə danışan Fərahimə atası, oğul, sən dediyini elədin, deyəndə, belə cavab verdi: "Bizim düşməndən üstünlüyümüz onda idi ki, içimizdəki sevgi Qarabağ boydadır. Bu sevgini içində daşıyan oğulların çiynində torpaq Vətən olur”.

Akif ƏLİYEV,

"Azərbaycan”



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM