01:22 20 Yanvar 2021
ONLINE XƏBƏR LENTİ
23:13 19.01.2021 Faktiki hava proqnozu
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Torpaqlarımızı bundan sonra daha həvəslə əkib-becərəcək və daha əzmlə qoruyacağıq!
ANA SƏHİFƏ / İQTİSADİYYAT
00:53 24.11.2020


Azərbaycan tarixinin şanlı səhifəsi olan Vətən müharibəsi zəfərlə başa çatıb. İllərlə işğal altında olan torpaqlarımız qəddar və məkrli düşmən tapdağından azad edilib. Erməni vandalları həmin torpaqlardan qovulandan sonra görünən mənzərə təkcə bizi deyil, həmişə onların tərəfini saxlayanları da mat qoyub. İşğaldan azad edilən ərazilərimizdə evlər, sosial infrastruktur yerlə-yeksandır. Hətta meyvə ağacları da kəsilərək məhv edilib. Nə edəsən ki, bu, düşmənimizin yüz illərlə öz genetikasında daşıdığı keyfiyyətdir. Vəhşilik ermənilərin qanına-iliyinə işləyib.

Dağlıq Qarabağdan və ətraf rayonlardan erməni işğalçılarının didərgin saldığı soydaşlarımızın 30 il əvvəlki köçünü yada salaq. Azərbaycanlılar doğma yurdlarını tərk edəndə evlərinin açarlarını, sənədlərini, bir də quru canlarını götürüb çıxmışdılar. Nə ev-eşiyə, nə də mal-qaraya ziyan vurmuşdular. Bütün bunların düşmənə qalacağını güman etsələr belə, tikdikləri evi uçurmağa, bəslədikləri mal-qaranı canlıdır deyə öldürməyə əlləri gəlməmişdi. Ona görə ki, bizim amalımız qurub-yaratmaqdır, dağıtmaq, məhv etmək yox.

İndi bütün dünya Qarabağdan daha bir köçün şahididir. Bu dəfə köçənlər işğaldan sonra rayonlarımızda qanunsuz məskunlaşdırılmış ermənilərdir. Özlərini xristian dəyərlərinin daşıyıcısı, mədəni və məzlum xalq kimi təqdim edən ermənilərin törətdiyi vəhşilikləri hamı görür. Onlar götürülməsi mümkün olan nə varsa, hamısını qamarlayıb aparırlar. Unitazı qucaqlayıb aparan ermənidən başqa nə gözləmək olardı ki... Bu gün həmin erməni millətinin ümumiləşdirilmiş obrazı kimi tarixə düşüb.

Erməni vandalları, həmçinin təbiətin düşmənləridir. Məlumdur ki, indi dünyada ekoloji tarazlığın qorunmasına, xüsusilə meşələrin mühafizəsinə böyük diqqət göstərilir. Bu baxımdan ermənilərin meşələrə od vurmasına vəhşilikdən savayı ad qoymaq çətindir. İş o yerə çatıb ki, həmişə erməniləri müdafiə edən bəzi Qərb mediası da bu kadrları nümayiş etdirərkən şərh verə bilmir. Cürətləri çatmır etiraf etsinlər ki, ermənilərin törətdiyi bu barbarlıq onların əsl simasıdır.

Noyabrın 16-da Prezident, Ali Baş Komandan İlham Əliyev birinci xanım Mehriban Əliyeva isə işğaldan azad olunmuş Füzuli və Cəbrayıl rayonlarına səfər edərkən düşmənin törətdikləri vəhşiliklər barədə demişdir:”Bildiyiniz kimi, işğal edilmiş və işğaldan azad olunmuş torpaqlarda düşmən bütün infrastrukturu dağıdıbdır. Bizim şəhərlərimizi, demək olar ki, yerləyeksan ediblər və bu, düşmənin vəhşiliyini bir daha göstərir. İndi bütün dünya bunu görəcək. Bütün dünya görəcək ki, biz hansı düşmənlə üz-üzə qalmışıq”.

Prezident İlham Əliyev hakimiyyətə gəldiyi andan daim quruculuq işləri ilə məşğul olub. Dövlət başçısının həyata keçirdiyi sosial-iqtisadi və infrastruktur layihələri sayəsində Azərbaycan dünyada sürətlə inkişaf edən ölkə kimi tanınır. O cümlədən, nəqliyyat infrastrukturunun inkişafına görə biz dünyanın bir çox inkişaf etmiş ölkələrindən öndəyik. Prezidentin Füzulidən Şuşaya çəkiləcək yeni avtomobil yolunun təməlqoyma mərasimində iştirakı da təsadüfi deyil. Bununla dövlət başçısı hamıya göstərdi ki, düşmən tərəfindən viran qoyulan Qarabağı biz dirçəldəcəyik, özü də əvvəlkindən yaxşı. Orada müasir dövrün tələblərinə cavab verən evlər tikiləcək, infrastruktur qurulacaq, sakinlər doğma yurdlarına qayıdacaqlar.

Prezident artıq böyük qayıdışla bağlı dövlət qurumlarına göstərişlər verib. İndi həmin ərazilərdə infrastrukturun bərpası, şəhər və kəndlərimizin yenidən tikilməsi istiqamətində layihələndirmə, həmçinin dəyərləndirmə işləri aparılır. Yazıçı Anarın Dədə Qorqudun dili ilə dediyi kimi, torpağı əkmədinsə, qorumağa, qorumadınsa, əkməyə dəyməz. İndi biz işğaldan azad edilən torpaqlarımızı daha həvəslə əkib-becərəcək, daha əzmlə qoruyacağıq. Acı tarixə çevrilən işğal faktı isə bizim üçün həmişəlik bir ibrət dərsi olacaq.

Bununla bağlı Prezident İlham Əliyev demişdir: "Yenə də Azərbaycan vətəndaşları burada yaşayacaqlar, quracaqlar, yaradacaqlar. Amma bugünkü tarix heç vaxt silinməyəcək. Erməni vəhşiliyinin canlı şahididir, bax, bu dağılmış evlər. Bu evlərdə Azərbaycan vətəndaşları yaşayıb, mülki vətəndaşlar yaşayıb. Mənfur düşmən gəlib onları öz torpaqlarından didərgin salıb, onların binalarını dağıdıb, onların əmlakını mənimsəyib, talayıb. Düşmən oğru, əxlaqsız, vicdansız bir düşməndir. Mən bir daha demək istəyirəm ki, bizim parlaq Qələbəmiz təkcə ölkəmizin ərazi bütövlüyünün bərpası deyil. Bu, şərlə xeyir qüvvələrin mübarizəsidir. Şər qüvvələri məğlub olur, amma biz qalib gəlmişik. Çünki biz qurub-yaradanıq. Ermənilər isə bax, bunları ediblər, dağıdıblar”.

Rüstəm KAMAL,

"Azərbaycan”



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM