Erməni işğalının sonu yaxınlaşsa da, yalanlarının sonu görünmür
Cəbhədə müharibə gedir, əsgərlərimiz zəfər dalınca zəfər qazanır. Bununla yanaşı, informasiya sahəsində də mübarizə səngimir. Savaş meydanında olduğu kimi, informasiya sahəsində də erməni tərəfi nə əxlaq normalarını, nə də beynəlxalq hüququ tanıyır. Ermənistanın baş naziri N.Paşinyanın "Rossiya 1” telekanalına verdiyi müsahibəsində bunun bir daha şahidi olduq.
Şahidi olduq ki, yaşadığı acı hərbi və siyasi məğlubiyyətdən isterikaya düşən bu zavallı nə danışdığını bilmir. Türk qardaşlarımız demişkən, "bu adam əməlli-başlı çıldırmış”. Yəni dəli olub. Müsahibədə guya Türkiyənin və Azərbaycanın Yaxın Şərqdən gətirilən terrorçulardan istifadə etdiyini bildirir. Üstəlik də bəyan edir ki, bu, beynəlxalq qaydalara ziddir.
Guya bunu heç kim bilmirmiş. Amma ağ yalandır axı... Paşinyan, Türkiyə Prezidenti Rəcəb Tayyib Ərdoğanın təbirincə desək, "yalan makinası kimi yalan üyüdür”. Sonra da etiraf edir ki, onlar tərəfdə də xarici ölkə vətəndaşları vuruşur. Ancaq bu əcnəbilər ermənidir, belə çətin anda soydaşlarının köməyinə gəliblər.
Amma bu zaman unudur ki, mövcud beynəlxalq qanunlarda və bir çox dövlətlərin milli qanunvericiliyində bir ölkənin vətəndaşının digər ölkə ərazisində döyüşməsi cinayət sayılır. Üstəlik, bundan istifadə edən ölkələr də məsuliyyət daşıyır. Amma nə olsun?! Ermənilər daim beynəlxalq güclər tərəfindən himayə olunduğu üçün bu gün heç bir beynəlxalq qanun tanımır. Hətta o dərəcədə ki, onlarda belə bir rəy formalaşıb: ermənisənsə, nə istəsən edə bilərsən.
Bu arada Rusiya xüsusi xidmət orqanlarının ölkə ərazisində terror aktı törətmək istəyən bir qrupu zərərsizləşdirməsi barədə məlumat yayıldı. O dəqiqə də Nikol Paşinyan bu işdə Azərbaycanı və Türkiyəni günahlandırdı. Təbii ki, yenə də dəlil-sübutsuz. Guya həmin terrorçular Türkiyə tərəfindən Azərbaycan vasitəsilə Rusiya Federasiyasının ərazisinə göndərilib.
Vallah, adam yazmağa söz, ifadə tapmır. Gərək nə qədər həyasız olasan ki, günün günorta çağı bu dərəcədə yalan danışasan. Xüsusən də həqiqəti Rusiya hüquq-mühafizə orqanlarının yaxşı bildiyi halda. N.Paşinyanın sözügedən müsahibəsinə baxanda faşist Almaniyasının təbliğat naziri Göbbelsin bir fikri yada düşür: "Sən düşməninə ləkə at, özü qalmasa da, izi qalacaq”. Göbbelsin nəzəriyyəsindən ermənilər uzun illərdir ki, gen-bol istifadə edirlər, hətta bu vaxt şeytanın ağlına belə gəlməyən üsullara əl atırlar.
Dünyanın bəzi kütləvi informasiya vasitələri bu cür yalanlardan məharətlə bəhrələnməyə çalışırlar. İndi həmin KİV Azərbaycanda əcinə (terrorçu) ovuna çıxıblar. Lakin tapa bilmirlər, çünki yoxdur, çinlilər demiş, "Qara pişiyi qaranlıq otaqda tapmaq çətindir, xüsusən də o, orada yoxdursa”.
Ermənistan isə utanıb qızarmadan terrorçulardan istifadəni "qanuniləşdirib”, yəni Dağlıq Qarabağdakı "ordu”nun təkmilləşdirilməsi haqqında qəbul etdiyi "qanun”da muzdlulardan, yəni terrorçulardan istifadəni rəsmiləşdirib. Bu, adamda ikrah dolu gülüş yaradır. Atalar sözümüzdə deyildiyi kimi: "Özünə umac ova bilmir, başqasına əriştə kəsir”. Onlara deyən lazımdır ki, əvvəlcə Ermənistanda bir əməlli-başlı ordu yaradın, sonra Dağlıq Qarabağdakı ermənilərin qeydinə qalın.
İndi ermənilərin bu ədalətsizliyinin, azğınlığının sonu gəlib. Azərbaycan əsgərinin qürur mənbəyimiz olan üçrəngli bayrağımızı Qarabağın bütün yaşayış məntəqələrinə, yüksəkliklərinə sancmasına çox qalmayıb. Ancaq bundan sonra da Paşinyanın həqiqəti dərk edəcəyinə inam yoxdur. Çünki yaxın zamanda onun siyasət meydanında olacağının özü şübhə doğurur. Belə halda isə onun nəyi dərk edib-etməməsinin heç bir əhəmiyyəti qalmır.
Rüstəm KAMAL,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!