Erməni işğalçıları dinc əhalinin qətliamını davam etdirirlər
Bu dəfə hədəf Bərdənin Qarayusifli kəndi oldu
Xəbər verildiyi kimi, oktyabrın 27-də saat 16:40 radələrində Bərdə rayonunun cəbhə xəttindən uzaq məsafədə yerləşən Qarayusifli kəndi Ermənistan silahlı qüvvələrinin çoxsaylı atəşinə məruz qalıb. Bununla Ermənistan ordusu öz faşist xislətinə sadiq qalaraq növbəti cinayət əməli törədib.
Düşmənin bu cinayəti də faciə ilə nəticələnib. Raket atəşləri 5 nəfərin ölümünə, 14 nəfərin isə yaralanmasına səbəb olub. Həlak olanlar arasında 7 yaşlı Aysu da var. Aysunun 3 yaşlı bacısı Tahirə isə qəlpə yarası alıb. Yaralılar Bərdə Şəhər Mərkəzi Xəstəxanasına yerləşdiriliblər. Onu da təəssüflə qeyd etmək lazımdır ki, yaralananların üçü azyaşlı uşaqdır. Xəstəxanada yaralılara baş çəkdik, həkimlərlə görüşdük. Həkim Zaur Əliyev məlumat verdi ki, yaralılara yüksəksəviyyəli tibbi yardım göstərilmişdir. Cərrahi əməliyyatlar edilmiş, zəruri tədbirlər görülmüşdür. Kəllə-beyin zədəsi alan bir nəfər neyrocərrahiyyə şöbəsinə göndərilmişdir. Digər yaralıların vəziyyəti orta ağır durumdadır.
Qəlpə yarası alan Qarayusifli kənd sakini Zərqələm Alıyeva: "Raket partlayanda həyətdə idim. Güclü dalğadan yerə yıxıldım. Elə bir göy uçub yerə tökülürdü. Özümə gələndə hiss etdim ki, yaralanmışam. Xeyli qan itirmişdim. Dərhal xəstəxanaya çatdırdılar. Sağ olsun həkimlərimiz, bizə çox canıyananlıqla baxırlar. Ölümdən qorxmuram. Vətənə canım qurban olsun. Amma həlak olan, yaralanan uşaqların halına acıyıram. Bizə ən böyük təsəlli, yaralarımızın məlhəmi qəhrəman oğullarımızın döyüş meydanında çaldığı zəfər, torpaqlarımızı işğaldan azad etmək uğrunda savaşda qazandığı qələbələrdir”.
Lazım QULİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!