22:21 12 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Tacikistan portalı Ermənistan-Azərbaycan münaqişəsinin tarixi və cəbhədəki vəziyyətə dair məqalə yayıb
ANA SƏHİFƏ / SİYASƏT
20:31 27.10.2020
 
Tacikistanın "faraj.tj” portalında Ermənistan-Azərbaycan Dağlıq Qarabağ münaqişəsinin tarixi, cəbhə xəttindəki son vəziyyətlə bağlı məqalə dərc olunub.

AZƏRTAC xəbər verir ki, məqalədə 30 ildir davam edən münaqişə haqqında danışılır. Bildirilir ki, bu münaqişə nəticəsində Azərbaycan ərazilərinin 20 faizi Ermənistan tərəfdən işğal olunub, 1 milyondan çox azərbaycanlı öz doğma yurdlarından qovularaq qaçqın və köçkün vəziyyətinə düşüb, ölkənin müxtəlif rayonlarında məskunlaşmağa məcbur olub.

Məqalədə sentyabrın 27-də Ermənistanın Azərbaycan Ordusunun mövqelərinə və yaşayış məntəqələrinə hücum etdiyi, nəticədə Silahlı Qüvvələrimizin əks-hücum əməliyyatına başladığı qeyd edilib. Diqqətə çatdırılıb ki, artıq 1 aydır davam edən müharibə nəticəsində Azərbaycan Ordusu qələbələr qazanaraq Ermənistanın işğalı altında olan ərazilərinin əhəmiyyətli hissəsini azad edib. Belə ki, artıq Cəbrayıl, Füzuli, Zəngilan və Qubadlı şəhərləri və bu rayonların bir sıra kəndləri, strateji yüksəkliklər işğaldan azad olunub. Azərbaycan Ordusu üstünlüyünü genişləndirməkdə davam edir.

Yazıda, həmçinin vurğulanır ki, Azərbaycanın işğal olunmuş ərazilərindəki 403 tarixi, dini, maddi və mədəniyyət abidəsi ermənilər tərəfindən dağıdılıb və ya saxtalaşdırılıb.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM