08:20 11 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

UNESCO rəhbərliyi Ermənistanın mədəni irsimizə qarşı törətdiyi cinayətlər barədə məlumatlandırılıb
ANA SƏHİFƏ / MƏDƏNIYYƏT
17:44 22.10.2020

Azərbaycan Respublikasının UNESCO yanında daimi nümayəndəsinin səlahiyyətlərini icra edən Ayaz Qocayev UNESCO Baş direktorunun mədəniyyət məsələləri üzrə müavini Ernesto Ottone ilə görüşüb.

AZƏRTAC xəbər verir ki, görüşdə A.Qocayev Ermənistanın Azərbaycana qarşı həyata keçirdiyi hərbi təcavüz haqqında məlumat verib.

Bildirib ki, Ermənistan tərəfi mülki əhalini və infrastrukturu hədəfə alır. Erməni silahlı qüvvələrinin ölkəmizin döyüş bölgəsinə yaxın və ondan uzaqda olan yaşayış məkanlarının bombardmanı nəticəsində qadın və uşaqlar, günahsız insanlar həlak olub və yaralanıblar. Mülki infrastruktura ciddi ziyan dəyib.

A.Qocayev Ermənistanın silahlı qüvvələrinin ölkəmizin işğal altında olan, eləcə də Dağlıq Qarabağ regionundan uzaqda olan ərazilərini bombalaması nəticəsində Azərbaycan maddi mədəni irs abidələrinə ciddi zərər dəydiyini diqqətə çatdırıb. Ermənistanın raket atəşinə tutduğu ərazilərdə Füzuli rayonunda, XIII əsrə aid Şeyx Babi türbəsi, IX əsrə aid İmamzadə məscidi, Gəncədəki tarixi bina, XIX əsr Aleksandr Nevski ortodoks kilsəsi, dağılıb. Qeyd edilib ki, Ermənistan tərəfindən ölkəmizin tarixi və mədəni irsinin hədəfə alınması və dağıdılması beynəlxalq hüquqa, eləcə də, UNESCO-nun silahlı münaqişələr zamanı mədəni mülkiyyətin qorunması üzrə 1954-cü il Haaqa Konvensiyası və onun iki Protokoluna ziddir.

UNESCO Baş direktorunun mədəniyyət məsələləri üzrə müavininə Ermənistan tərəfindən mədəni irs abidələrimizin dağıdılması və mənimsənilməsi ilə bağlı Azərbaycan tərəfinin narahatlığı çatdırılıb. Ağdamda dağıdılmış Cümə məscidinin, ordumuz tərəfindən azad olunmuş Zəngilan rayonundakı məsciddə donuz saxlanmasına dair şəkillər təqdim olunaraq, bunun bütün müsəlman dünyasına qarşı təhqir olunduğu vurğulanıb. UNESCO-nu erməni vandalizmini qınamağa çağırış edilib.

Görüşdə Ermənistanın köhnə xislətinə uyğun olaraq, yalan məlumatlar yaymaqla ictimaiyyəti aldatdığı bildirilərək, təşkilat belə saxta məlumatlarla bağlı diqqətli olmağa və onlara inanmamağa çağırılıb.

UNESCO Baş direktorunun mədəniyyət məsələləri üzrə müavini E.Ottone təqdim olunan məlumatlara görə təşəkkürünü bildirərək, UNESCO tərəfindən hadisələrin yaxından izlənildiyini və mandatları çərçivəsində ehtiyac yaranarsa, mədəni irsin qorunmasında köməkliklərini göstərməyə hazır olduqlarını diqqətə çatdırıb.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM