22 Oktyabr 2020 15:12
501
SİYASƏT
A- A+

Səfir Bilal Haye: Pakistan torpaqlarını azad etmək uğrunda apardığı haqlı mübarizədə Azərbaycanın yanındadır

Pakistan öz torpaqlarının azad edilməsi uğrunda apardığı haqlı mübarizədə Azərbaycanın yanındadır və biz bu yolda Azərbaycana uğurlar arzulayırıq.

Bu sözləri AZƏRTAC-a müsahibəsində Pakistanın Azərbaycandakı səfiri Bilal Haye deyib.

Azərbaycan Ordusunun cəbhədə hər gün qazandığı uğurları yüksək qiymətləndirdiklərini vurğulayan səfir bildirib ki, oktyabrın 20-də Pakistanın Xarici İşlər naziri Mahdum Şah Mahmud Qureşinin azərbaycanlı həmkarı Ceyhun Bayramovla telefon danışığı olub. Azərbaycanın Müstəqillik Günü ilə bağlı təbrikində Pakistanın Baş Naziri İmran Xan ölkəsinin ərazi bütövlüyünü şücaətlə qoruyan Azərbaycan Ordusunun uğurlarını xüsusi qeyd edib.

İki ölkə arasında tarixi köklərə əsaslanan dostluq və qardaşlıq əlaqələrinə toxunan Bilal Haye Dağlıq Qarabağ münaqişəsi başlayandan bəri Pakistanın hər zaman Azərbaycanın yanında olduğunu vurğulayıb. O əlavə edib ki, Azərbaycanın bu mübarizəsi ədalətli və qanuna uyğundur. Ona görə də biz hər zaman Azərbaycanın yanında olmuşuq.

Ölkələrimiz arasında əməkdaşlığın perspektivlərindən danışan diplomat Pakistanın xalqlarımızın əlaqələrinin daha da genişləndirilməsini və müdafiə sahəsində əməkdaşlığın dərinləşdirilməsini istəyini bildirib. O deyib ki, Pakistan bir çox sahələrdə Azərbaycana yeni imkanlar təklif edə bilər. Eyni zamanda, Azərbaycanın da Pakistana təklif edəcəyi bir çox məsələlər var. İnanırıq ki, əməkdaşlığımız ölkələrimizi bir-birinə daha da yaxınlaşdıracaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video