21:49 12 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Hulusi Kılıç: Türkiyənin ATƏT çərçivəsində münaqişənin tənzimlənməsinə cəlbi həmsədrləri daha məsuliyyətli olmağa vadar edəcək
ANA SƏHİFƏ / SİYASƏT
11:48 21.10.2020

ATƏT-in Minsk qrupunun həmsədrləri heç olmasa bundan sonra ədalətli və qətiyyətli mövqe nümayiş etdirsələr, Ermənistan sülhə gələr və bölgədə böyük inkişafın təməli qoyular. Bu məsələdə ədalət və qətiyyətin, sülh və sabitliyin tərəfdarı olmaq istəyindən keçir.

Bu fikirləri AZƏRTAC-a açıqlmasında Türkiyənin Azərbaycandakı sabiq səfiri Hulusi Kılıç bildirib.

Azərbaycan Prezidenti, Ali Baş Komandan İlham Əliyevin rəhbərliyi ilə Milli Ordumuzun şanlı zəfər tarixi yazdığına diqqətə çəkən səfir Hulusi Kılıç deyib: "Ermənistanın işğalçı siyasəti və terrorçu mahiyyəti böyük bir coğrafiyada sülhü və rifahı təhdid edir. Ötən 30 il ərzində Azərbaycan bu təhdidlə birbaşa üz-üzə qalıb. Bununla bərabər, böyük inkişaf yolu keçən Azərbaycan qüdrətli ordu yaradıb. Ən əsası odur ki, Azərbaycan həqiqətləri, onun dövlət sərhədləri bütün beynəlxalq təşkilatlar tərəfindən tanınıb və qəbul edilib. İndi müzəffər Azərbaycan Ordusu beynəlxalq hüquqa əsaslanmaqla dövlətin haqq tələbini, xalqın istəyini reallığa çevirir. Milli Ordumuz torpaqlarımızı işğaldan azad etməklə yanaşı, bölgədəki sıravi erməniləri də cinayətkar rejimin əlindən xilas edir”.

Azərbaycan-Türkiyə qardaşlığının böyük bir coğrafiyaya sülh, sabitlik və inkişaf vəd etdiyini diqqətə çatdıran səfir deyib ki, Türkiyənin ATƏT çərçivəsində bu münaqişənin tənzimlənməsinə cəlb olunması həmsədrlik funksiyasını icra edən tərəfləri daha məsuliyyətli davranmağa vadar edəcək. Son günlər eşidirik ki, həmsədrlər tərəfsiz olacaqlarını elan edirlər. Bəs nə üçün indiyə qədər tərəfsiz olmamısınız? Lakin bir daha bəyan edirik ki, tərəfsizlik məsələyə ədalətli yanaşma və işğalçı tərəfi danışıqlara məcbur etmək olardı. Tərəflər unutmamalıdır ki, həmsədrlik, sadəcə, yalnız onların adına yazılmayıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM