07:57 11 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Ankarada Yeni Azərbaycan Partiyası ilə Ədalət və İnkişaf Partiyası arasında əməkdaşlıq perspektivləri müzakirə olunub
ANA SƏHİFƏ / SİYASƏT
00:30 21.10.2020
 
Yeni Azərbaycan Partiyasının (YAP) nümayəndə heyətinin Türkiyənin hakim Ədalət və İnkişaf Partiyasının (AKP) dəvəti əsasında Ankara şəhərinə səfəri başlanıb.

AZƏRTAC xəbər verir iki, Milli Məclisin deputatı, YAP Siyasi Şurasının üzvü, partiyanın Türkiyə və AKP üzrə əlaqələndirici kordinatoru Ramil Həsənin rəhbərlik etdiyi heyətə, Azərbaycan parlamentinin digər deputatı, YAP Siyasi Şurasının üzvü Ramin Məmmədov daxildir.

Oktyabrın 20-də Azərbaycan nümayəndə heyəti AKP Sədrinin birinci müavini Numan Kurtulmuş ilə görüşüb.

Nümayəndə heyətimizi səmimiyyətlə salamlayan AKP Sədrinin müavini Numan Kurtulmuş bildirib ki, işğal altında torpaqlarımızın azad olunması naminə Milli Ordumuzun həyata keçirdiyi zəfər hərəkatı Türkiyədə böyük sevinclə qarşılanıb.

Milli Məclisin deputatları Ramil Həsən Azərbaycan Prezidenti, Ali Baş Komandan İlham Əliyevin rəhbərliyi ilə müzəffər Ordumuzun uğurlu əks-hücum əməliyyatları barədə ən son məlumatları qarşı tərəflə paylaşıb.

Sonra iki qardaş ölkədə iqtidarda olan iki partiyanın mövcud əlaqələri və böyük perspektivlər ətrafında fikir mübadiləsi aparılıb.

Tərəflər qeyd ediblər ki, Azərbaycan Prezidenti, YAP-ın Sədri İlham Əliyev və Türkiyə Prezidenti, AKP Sədri Rəcəb Tayyib Ərdoğan arasındakı səmimi dostluq və qardaşlıq münasibətləri dövlətlərimizin bərabər inkişafına və regionda sağlam yeni bir güc mərkəzinin formalaşmasına böyük töhfə verib.

Qeyd edək ki, səfər çərçivəsində YAP-ın nümayəndə heyətinin AKP-nin Baş katibi Fatih Şahin, Xarici Əlaqələr şöbəsinin rəhbəri Cevdet Yılmaz, AKP Gənclər Birliyinin sədri Ahmet Büyükgümüş, Türkiyə Respublikası Xarici İşlər nazirinin müavini Yavuz Selim Kıran, həmçinin AKP-nin Türkiyə Böyük Millət Məclisindəki fraksiyasının sədri Cahit Özkan və Türkiyə-Azərbaycan Parlamentlərarası Dostluq Qrupunun sədri Şamil Ayrım və dostluq qrupunun üzvləri ilə görüşləri, eləcə də Türkiyə mediası ilə təmasları nəzərdə tutulur.

Görüşlərdə qarşılıqlı əlaqələrin inkişafı məsələlərinin müzakirəsi ilə yanaşı, Ermənistan-Azərbaycan münaqişəsinin mövcud durumu, təcavüzkar dövlətin Azərbaycanın yaşayış məskənlərinə və dinc əhaliyə hücumları, dövlətimizin erməni işğalında olan torpaqlarımızın azad edilməsi istiqamətində apardığı çoxistiqamətli fəaliyyətlər barədə qarşı tərəfə ətraflı məlumatlar veriləcək.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM