11 Oktyabr 2020 17:15
799
Məktublar
A- A+

Nizami Gəncəvi Beynəlxalq Mərkəzinin üzvlərindən


Azərbaycan Respublikasının Prezidenti Zati-aliləri cənab İlham Əliyevə

Zati-aliləri,

Azərbaycan Respublikasının ərazisi olan Dağlıq Qarabağda Ermənistan silahlı qüvvələri tərəfindən başlanılan və gərginliyin artmasına, eləcə də insanların həlak olmasına səbəb olan bu son qarşıdurmanı kədər hissi ilə izləyirik.

BMT-nin Baş katibi bir çox dünya liderləri tərəfindən də dəstəklənən və beynəlxalq hüququn prinsiplərindən irəli gələn çoxtərəfli dünya düzəninə bir daha çağırış edib. Biz Ermənistan silahlı qüvvələrinin Azərbaycan Respublikasının işğal olunmuş ərazilərində, bütün cəbhəboyu artilleriya hücumlarını qətiyyətlə pisləyirik. 1994-cü ildə qəbul olunmuş atəşkəs rejiminin Ermənistan tərəfindən pozulması və bunun dinc əhalinin həlak olması ilə nəticələnməsi ilk dəfə deyil ki, baş verir.

Dünya bir daha agah olsun ki, Ermənistan bu vaxta qədər işğalçı qüvvələrinin Azərbaycanın işğal olunmuş torpaqlarından tam və qeyd-şərtsiz çıxarılmasını tələb edən BMT Təhlükəsizlik Şurasının 822, 853, 874 və 884 nömrəli qətnamələrini yerinə yetirməyib. Azərbaycanın dinc əhalisinə və mülki obyektlərinə edilən hücumlar beynəlxalq humanitar hüququn və insan hüquqlarının ciddi pozulmasıdır.

Cənab Prezident,

Nizami Gəncəvi Beynəlxalq Mərkəzinə göstərdiyiniz davamlı dəstəyə görə Sizə minnətdarıq, Qəyyumlar Şurasına verdiyiniz status sayəsində 8 il ərzində mərkəz dünyada tanınmış bir instituta çevrilib. Bu gün Mərkəzin həmsədrləri xanım Vayra Vike-Freyberqa, doktor İsmayıl Serageldin və Baş katibin fədakar əməyi sayəsində öz üzvlərimizi səfərbər edərək Dağlıq Qarabağ münaqişəsini müttəfiqlərimizin, tərəfdaşlarımızın və xalqlarımızın diqqətinə çatdırırıq.

Xahiş edirik kədər və anlayış hisslərimizlə bərabər, cənab Prezident, ən yüksək hörmət və ehtiramlarımızı qəbul edəsiniz.

Səmimiyyətlə,

Rosen Plevneliev
2012-2017-ci illərdə Bolqarıstanın Prezidenti

Recep Meydani
1997-2002-ci illərdə Albaniyanın Prezidenti

Hikmet Çetin
1991-1994-cü illərdə Türkiyənin Xarici İşlər naziri, 1997-1999-cu illərdə Türkiyə Böyük Millət Məclisinin sədri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video