02 Oktyabr 2020 00:36
531
SİYASƏT
A- A+

Ağdamın Birinci Baharlı qəsəbəsində 25 evə ziyan dəyib


Ağdam işğal altındakı vətən torpaqlarının azad edilməsi uğrunda müqqədəs savaşın şiddətlə davam etdiyi qaynar bölgələrdəndir. Artilleriya mərmilərinin gurultusu, iriçaplı silahların atəş səsləri ara vermir.

Döyüş meydanında sarsıdıcı zərbələr alan Ermənistan silahlı qüvvələri qəhrəman Azərbaycan əsgərinin dəmir iradəsi qarşısında tab gətirə bilməyib geri çəkilsə də, köhnə faşist xislətini dəyişmir. Düşmən mülki obyektləri, dinc əhalini, yaşayış məntəqələrini artilleriya atəşinə tutmaqda davam edir.

Müharibənin başladığı 3 gündə rayonun yaşayış məntəqələrinə atılan mərmilər 100-dən çox evə, mülki tikiliyə müxtəlif dərəcəli zərər vurmuşdur. Sentyabrın 29-dan 30-na keçən gecə atılan artilleriya mərmilər təkcə Birinci Baharlı qəsəbəsində 25 evə zərər vurmuşdur. Evi artilleriya mərmisi ilə dağılan Birinci Baharlı qəsəbəsinin sakini Elşən Məmmədovla əlaqə saxlayıb baş verən hadisə ilə bağlı məlumat aldıq.

- Top mərmisi evimizi yararsız vəziyyətə salmışdır. Məkrli düşmən etdiyi xəyanət üçün elə məqam seçir ki, o zaman hamı evdə olur. Hadisə gecəyarısı baş verdi. Xoşbəxtlikdən gündüzdən ailə-uşağı nisbətən təhlükəsiz yerə köçürmüşdük. Bizim qəsəbədə xeyli evə zərər dəyib. Amma heç kəs uçurulub dağılan evlərə görə üzülmür. Bundan yaxşı da evlər tikə bilərik. Əsas məsələ ordumuzun qazandığı uğurlardır. İgid əsgərlərimizin döyüş meydanında göstərdikləri sücaət, qazandıqları zəfərlər bizə qol-qanad verir, sonsuz qürur bəxş edir. Biz 30 ildir ki, bu günü gözləyirdik. İndi inanırıq ki, qələbə yaxındadır. Tezliklə Ağdama qovuşacağımız o anı gözləyirik. Ali Baş Komandanımıza, Azərbaycan Ordusuna güvənirik!

Ağdamda döyüşlər intensiv xarakter alıb. Cəbhədən gələn qələbə soraqlı xəbərlər əhalidə yüksək əhvali-ruhiyyə yaradır.

Lazım QULİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video