Alternative content

10:14 20 Oktyabr 2020
ONLINE XƏBƏR LENTİ
08:23 20.10.2020 Cəbhədə son vəziyyət
00:41 20.10.2020 BİLDİRİŞ
00:41 20.10.2020 E l a n
00:39 20.10.2020 BİLDİRİŞ
00:39 20.10.2020 BİLDİRİŞ
PAYIZ ETÜDLƏRİ - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Diplomatiya məharətinin zirvəsi
Diplomatiya məharətinin zirvəsi
ANA SƏHİFƏ / SİYASƏT
01:25 01.10.2020


Prezident İlham Əliyev Paşinyanın yalanlarını da, özünü də ifşa etdi


Ermənistan hakimiyyətinin təcavüzkar və faşist-diktatura mahiyyəti dünya üçün getdikcə daha aydın şəkildə açılır, Azərbaycan diplomatiyasının ədalətli və beynəlxalq hüquqa söykənən mövqeyi işğalçını təklənmiş vəziyyətə salır.

Ölkəmiz üçün önəmli və taleyüklü bir dövrdə Rusiyanın "Rossiya 1” telekanalına müsahibə verərək təxribat nəticəsində başlanmış müharibə haqqında həqiqətləri böyük auditoriyaya çatdıran Prezident İlham Əliyev bir daha Ermənistanın işğalçılıq və təcavüzkarlıq siyasəti haqqında Rusiya ictimaiyyətini geniş şəkildə məlumatlandırdı.


Ermənistan dinc əhaliyə qarşı müharibəyə başlayıb


Rusiyalı jurnalistlərin suallarını ətraflı şəkildə, dəqiq detallara toxunmaqla cavablandıran cənab İlham Əliyev cəbhədə vəziyyətin gərgin olaraq qaldığını söylədi və hər zaman olduğu kimi, bu dəfə də Ermənistanın dinc əhaliyə qarşı müharibə apardığını, əsas hədəfinin yaşayış məntəqələri, mülki əhali olduğunu bildirdi.

Prezident bununla bağlı faktları söylədi: "Ermənilərin sentyabrın 27-də başladıqları hərbi təxribat nəticəsində Azərbaycanın yaşayış məntəqələri və döyüş mövqeləri şiddətli artilleriya atəşinə məruz qalıb. Bu təcavüz nəticəsində Azərbaycanın 11 dinc sakini, o cümlədən 2 uşaq həlak olub, hərbi qulluqçular arasında da həlak olanlar var”.

Əlbəttə ki, bu vəziyyətdə heç bir dövlət seyrçi mövqe nümayiş etdirə bilməzdi. Odur ki, Azərbaycan da təcavüzkara adekvat cavab vermək, xalqını və torpağını müdafiə etmək məcburiyyətində qaldığı üçün işğalçının hücumlarını dəf edib, Azərbaycan Ordusunun əks-hücum əməliyyatlarına başlamasına qərar verdi. Artıq bir sıra yaşayış məntəqələri işğaldan azad edilib, həmçinin müxtəlif istiqamətlərdə strateji yüksəkliklər tutulub. Hazırda fəal döyüş əməliyyatları aparılır.


İlham Əliyev Türkiyənin maraqlarını qorudu və qardaş ölkəni müdafiə etdi


Maraqlıdır ki, bundan sonra rusiyalı jurnalistlərin suallarının əsas hissəsi Türkiyə ilə bağlı oldu: Türkiyənin hərbi əməliyyatlarda rolu, Ermənistan hərbi təyyarəsinin Türkiyə tərəfindən vurulması və Suriyadan gətirilən muzdluların Azərbaycan tərəfdən savaşması...

Yalnız bir sual danışıqların yenidən bərpa olunması ehtimalı barədə idi.

Prezident isə Türkiyə ilə bağlı suallara dəqiq və səlis cavab verərək jurnalistlərin diqqətinə çatdırdı ki, Türkiyənin rolu regionda sabitləşdirici xarakter daşıyır və dost, qardaş ölkə olaraq Azərbaycanı hər zaman dəstəkləyib.

Ermənistanın beynəlxalq hüququ kobud şəkildə pozaraq Azərbaycan ərazilərini hələ də işğalda saxladığını xatırladan dövlətimizin başçısı Türkiyənin Azərbaycana mənəvi dəstək verdiyini, Türkiyənin münaqişə tərəfi kimi iştirak etməsi barədə erməni tərəfin yaydığı bütün şayiələrin təxribat xarakteri daşıdığını, "feyk-nyus” olduğunu vurğuladı. İlham Əliyev bildirdi ki, Türkiyənin münaqişədə iştirakı barədə heç bir sübut mövcud deyil və buna zərurət də yoxdur. Azərbaycan Ordusu öz xalqının və öz ərazisinin müdafiəsini təmin etmək üçün kifayət qədər hazırlıqlıdır.

Həmçinin Türkiyə Hərbi Hava Qüvvələrinin F-16 təyyarələrinin döyüş əməliyyatlarında iştirakı ilə bağlı erməni tərəfinin iddialarını puça çıxaran Prezident xatırlatdı ki, bugünkü müasir texnologiyalar dövründə, peyk müşahidələri imkanları olduğu halda bu cür faktları gizlətmək mümkün deyil: "Türkiyə Hərbi Hava Qüvvələrinin F-16 təyyarələri döyüş əməliyyatlarında heç bir şəkildə iştirak etmir. Erməni tərəfin bu cür yalan xəbərlər yaratmaqda məqsədi bizə aydındır. Əvvəla, öz ərazi bütövlüyünün bərpası vəzifəsini hazırda şərəflə yerinə yetirən Azərbaycan Ordusunun döyüş qabiliyyətini süni şəkildə azaltmaq, həmçinin belə təsəvvür yaratmaq ki, münaqişə genişlənir, ona üçüncü ölkələr qoşulur və beləliklə, öz təxribatına haqq qazandırmaq üçün mümkün qədər çox ölkə cəlb etməyə çalışmaq. Buna görə sizə məsuliyyətlə bəyan edirəm ki, Türkiyə münaqişə tərəfi deyil, münaqişədə heç bir şəkildə iştirak etmir və buna zərurət yoxdur”.

Erməni yalanını növbəti dəfə puç edən cənab İlham Əliyev Rusiyanın aparıcı mediasında Türkiyənin də maraqlarını qorudu və qardaş ölkəni müdafiə etdi.

Eyni şəkildə suriyalı muzdlularla bağlı sualı cavablandıran dövlət başçısı Azərbaycanın əhali potensialının yüksək olduğunu, 10 milyonluq ölkənin xaricdən muzdlu gətirməyə ehtiyacının olmadığını vurğuladı.

Bu gün Azərbaycanın hazırlıqlı ordusu var, çox böyük səfərbərlik ehtiyatı var. 2 milyon əhalisi olan Ermənistana qarşı 10 milyon əhalidən 10 minlərlə ehtiyatda olanlar orduya çağırılır: "Bizim insan ehtiyatlarına ehtiyacımız yoxdur. Buna görə də biz özümüzü müdafiə etməyə və təcavüzkarı elə cəzalandırmağa qabilik ki, o, bir daha bizim tərəfə baxmağa cəsarət etməsin”.


Prezident Ermənistanın növbəti təxribatını tutarlı faktlarla ifşa etdi


Jurnalistin "bu qədər genişmiqyaslı və qanlı qarşıdurmaya təhrik edən nə olub” sualını cavablandırarkən cənab İlham Əliyev əsl həqiqəti söylədi: "Ermənistan artıq bir neçə ay idi ki, hazırlaşırdı. Əgər siz onların hərəkətlərinin və bəyanatlarının xronologiyasını izləsəniz aşkar görərsiniz ki, onlar bu təxribata şüurlu şəkildə gedirdilər. Bu yaxınlarda, BMT Baş Assambleyasının tribunasından çıxış edərkən mən açıq demişəm ki, Ermənistan müharibəyə hazırlaşır və onu dayandırmaq lazımdır”.

Prezident bir daha Ermənistanın iyul ayında Tovuz istiqamətində həyata keçirdiyi hərbi təxribatlarını xatırlatdı və bildirdi ki, bu gün baş verənlər eyni ssenarinin davamıdır.

Çünki bu təxribatdan sonra erməni tərəfi açıq-aşkar, nümayişkaranə şəkildə əslən Livandan olan ermənilərin Azərbaycanın işğal edilmiş ərazilərində və Şuşa şəhərində məskunlaşdırılmasını elan etdi. Sonra isə Şuşada - Azərbaycan mədəniyyətinin qədim incisində cinayətkar Dağlıq Qarabağ rejiminin "başçısının” qondarma inauqurasiyası keçirildi.

Təbii ki, bütün bunlar müharibə cinayətidir. Bu, açıq-aşkar Cenevrə Konvensiyasının pozulması deməkdir. Bütün bunlar əlbəttə, Azərbaycana qarşı şüurlu təxribatlar, ölkəmizi münaqişəyə cəlb etmək və cavab hərəkətlərinə təhrik etmək idi. Lakib buna baxmayaraq, Azərbaycan tərəfi yenə də təmkin, konstruktivlik və sağlam düşüncə nümayiş etdirdi, lakin onların niyyətləri baş tutmayanda bu cür çirkin oyunlara cəhd göstərdilər.

Cənab İlham Əliyev təxribatların digər səbəbinin isə Ermənistanda mövcud olan daxili siyasi böhrandan qaynaqlandığını dedi: "Axı, bu gün Ermənistanda Soros rejimi mövcuddur. Belarusda baş tutmayan çevriliş iki il bundan əvvəl Yerevanda baş tutub. Bu gün Paşinyanın şəxsində Ermənistanın rəhbəri Sorosun əlaltısıdır. Bu adam çoxlu vədlər verib və bu vədləri yerinə yetirə bilmir, əslində, ölkə böhran içindədir”.

Yəni, Paşinyana bir xarici amil, necə deyərlər qarışıqlıq lazım idi ki, əhalinin diqqətini yayındırsın. Köhnə xələflərinin yolunu gedən baş nazir də Azərbaycan xalqına qarşı təcavüz etməyə çalışır.


Paşinyanın uydurma fikirləri sülh danışıqlarına xitam verib


Prezident Paşinyanın bəzi uydurmalarına da toxunaraq bildirdi ki, Ermənistanın baş naziri Azərbaycanı təxribata çəkmək üçün əl atmadığı yol qalmayıb. Onun "Qarabağ Ermənistandır və nöqtə” ifadəsi faktiki olaraq sülh prosesinin dayandığını göstərən reallıqdır. Belə olan halda hansısa danışıqlar prosesindən söhbət gedə bilməz. Axı, ATƏT-in Minsk qrupu tərəfindən işlənib hazırlanmış prinsiplərin mahiyyəti ondan ibarətdir ki, keçmiş Dağlıq Qarabağ Muxtar Vilayəti ətrafındakı ərazilər Azərbaycana verilməlidir. Lakin Ermənistanın baş naziri deyir ki, "Qarabağ Ermənistandır” və üstəlik, Azərbaycanın danışıqları yalnız Dağlıq Qarabağın oyuncaq rejimi ilə aparmalı olduğunu söyləyir. Beləliklə də danışıqların 20 ildən bəri mövcud olan formatını dəyişməyə çalışır: "Demək, təcavüzkar bilərəkdən danışıqlar prosesini pozur, qəbuledilməz tələblər irəli sürür və əgər Minsk qrupu son vaxtlar nizamlamaya kimin əngəl olması barədə daha fəal danışmağa başlayırsa, sentyabrın 27-də, bundan əvvəl isə iyulun 12-də olduğu kimi, təxribatlar törədirlər. Bütün bunlar Azərbaycanı təqsirləndirmək, sonra üçüncü tərəfləri cəlb etmək və beləliklə, danışıqlar prosesini pozmaq üçün edilir. Ona görə ki, erməni tərəfi status-kvonu saxlamaq istəyir. ATƏT-in Minsk qrupunun həmsədrləri isə Rusiya, Fransa və ABŞ-ın dövlət başçılarının şəxsində dəfələrlə bəyanatlar veriblər ki, status-kvo qəbuledilməzdir. Bu isə o deməkdir ki, işğal altında olan ərazilər Azərbaycana qaytarılmalıdır. Biz danışıqlara sadiqik, lakin Ermənistan tərəfindən tamamilə əks hərəkətlər görürük”.


Dəfələrlə rəzil duruma düşən Paşinyan "ənənəsini” pozmadı


Daha sonra çıxış edən Ermənistan baş naziri isə bir neçə dəqiqə əvvəl Azərbaycan Prezidentinin yalan olduğunu isbat etdiyi "feyk-nyus”ları yenidən təkrarlamağa başladı. Paşinyan yenidən Azərbaycanın Qarabağda dinc əhalini atəşə tutduğunu, Türkiyəli yüksək rütbəli hərbçilərin əməliyyatda iştirakı, eyni zamanda, suriyalı muzdlularla bağlı ənənəvi yalanlarını təkrarladı. Baş nazir növbəti dəfə absurd iddialarını bildirərək Ermənistan təyyarəsinin Türkiyə ordusu tərəfindən vurulduğunu, hətta Qarabağda "türk ordusunun” birləşməsi olduğunu iddia etdi.

Beynəlxalq ictimaiyyət qarşısında çıxış edərkən indiyədək dəfələrlə rəzil duruma düşən N.Paşinyan bu dəfə də ənənəsini pozmadı. Verilişin aparıcılarının sualları qarşısında aciz qalan Ermənistanın baş naziri yenə də çıxışında heç bir fakta əsaslanmayan yalan və uydurmalar söylədi.

Prezident İlham Əliyevin məntiqli, tutarlı, peşəkar, arqumentli və səlis cavabları ekspertlər tərəfindən yüksək qiymətləndirildi və diplomatiya məharətinin zirvəsi kimi səciyyələndirildi. Bunun fonunda Nikol Paşinyanın sönük, faktoloji bazadan məhrum olan, dolaşıq və təkrarlanan fikirləri onun həm siyasi cəhətdən zəif olduğunu, həm də müdafiə etdiyi mövqeyin heç bir tənqidə dözmədiyini aydın göstərdi.

Müzakirələrdə iştirak edən "Natsionalnaya oborona” jurnalının baş redaktoru İqor Korotçenko da reallığı söylədi. Jurnalist dedi ki, İlham Əliyev şərtsiz olaraq dəqiq, tamamilə məntiqli, düzgün, ardıcıl çıxış etdi. Bu, MDBMİ məktəbidir. MDBMİ doğrudan da böyük kadrlar yetişdirir.

Deyilənlərin mahiyyətinə gəlincə isə Korotçenko vurğuladı ki, Azərbaycan Prezidenti haqlıdır və tamamilə ədalətli mövqe nümayiş etdirir: "Cənab İlham Əliyev haqlı olaraq dedi ki, peyk, elektron, kəşfiyyat texnologiyalarının müasir inkişaf səviyyəsini nəzərə alsaq, Azərbaycan ərazisinə doğrudan da türk qırıcıları göndərilsəydi, bu faktı gizlətmək mümkün deyildi. Bunu peyk kəşfiyyatı olan istənilən ölkə aşkar edə bilər. Bu gün isə Dağlıq Qarabağ bölgəsi dünyanın bütün aparıcı ölkələrinin sıx müşahidəsi altındadır. Həmkarlarımın diqqətini bir məqama çəkmək istərdim. Biz hamımız beynəlxalq hüququn tərəfdarıyıq. Beynəlxalq hüquq nöqteyi-nəzərindən, döyüş əməliyyatları Azərbaycanın ərazisində, Azərbaycan hərbi qüvvələri və erməni hərbi birləşmələri arasında aparılır”.

Göründüyü kimi, Paşinyanın növbəti yalanları Rusiyanın aparıcı telekanalında da ifşa edildi. Ermənistanın uydurmaları təsdiqini tapmadı. Paşinyan növbəti dəfə İlham Əliyev diplomatiyası qarşısında aciz qaldı. Onun düşdüyü vəziyyət və ordusunun bu gün savaş meydanındakı acınacaqlı durumu Ermənistanın biabırçı aqibətini göstərdi.

Rəşad BAXŞƏLİYEV,

"Azərbaycan”





NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM