Alternative content

16:56 30 Oktyabr 2020
ONLINE XƏBƏR LENTİ
PAYIZ ETÜDLƏRİ - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan yaxşı nəticələr nümayiş etdirən ölkələr sırasındadır
Azərbaycan yaxşı nəticələr nümayiş etdirən ölkələr sırasındadır
ANA SƏHİFƏ / CƏMİYYƏT
00:28 26.09.2020


Hazırda ən vacib məsələ əldə olunmuş nailiyyətlərin qorunub saxlanmasıdır


Xeyli müddətdir koronavirus pandemiyası dünyanın bir çox ölkələrində həyatı alt-üst edib. Demək olar ki, bütün sahələri iflic edib və o həddə çatdırıb ki, illər keçsə belə, bu virusun fəsadlarını yer üzündən tamamilə silmək mümkün olmayacaq.

Eyni zamanda COVID-19 XXI əsr insanının həyatının bir parçasına çevrilib və hər kəsi onun diktə etdiyi şərtlərlə yaşamağa vadar edib: sosial izolyasiya gözləyərək, maska taxaraq, şəxsi gigiyena qaydalarına əməl edərək...

Dünyanın koronavirusla bağlı hazırkı mənzərəsinə nəzər saldıqda görünür ki, mübarizə tədbirlərinə baxmayaraq, vəziyyət heç də ürəkaçan deyil, infeksiya ağlasığmaz sürətlə yayılır. Hətta koronavirus üzərində qələbə elan edən ölkələr belə ikinci dalğa ilə yenidən sarsılır, bu bəladan qurtulmaq üçün yollar arayır...


Dövlətimiz pandemiya ilə bağlı vəziyyəti ilk gündən nəzarətə götürüb


Azərbaycanda yeni koronavirus infeksiyasına qarşı görülən sistemli tədbirlər bu gün də davam etdirilir. İnfeksiyanın yayıldığı ilk günlərdən dövlətimizin vəziyyəti nəzarətə götürməsi, genişmiqyaslı tədbirlər həyata keçirməyə başlaması qısa zamanda müsbət nəticələrə nail olmağa rəvac verdi.

İstər vətəndaşların sağlamlığının və təhlükəsizliyinin təmin edilməsi, istərsə də koronavirus xəstələrinin müalicəsi, səhiyyə infrastrukturunun təkmilləşdirilməsi, yeni xəstəxanaların açılması və tibb müəssisələrinin texniki təchizatı baxımından bütün məsələlər uğurla həll edildi.

Hər zaman olduğu kimi, pandemiya dövründə də Azərbaycan Prezidentinin yürütdüyü siyasətin ana xəttini insan amili, vətəndaşların sağlamlığı, təhlükəsizliyi, ölkəmizin inkişafı və cəmiyyətimizin sosial rifahı təşkil edir.

Qlobal pandemiyaya qarşı düzgün strategiyanın nəticəsidir ki, hazırda Azərbaycan xəstəliyə yoluxanların və vəfat edənlərin sayının azlığına, habelə yoluxma və sağalma hallarının nisbətinə görə ən yaxşı nəticələr nümayiş etdirən ölkələr sırasındadır. Hökumət tərəfindən görülən qabaqlayıcı tədbirlər, eyni zamanda vətəndaşların məsuliyyəti və mövcud qaydalara əməl etməsi nəticəsində ölkə ərazisində tətbiq olunan sərt karantin rejimi də tədricən yumşaldılıb.

Eyni zamanda təhsil ictimaiyyətinin gözlədiyi vacib qərar da verilib, ölkə üzrə bütün təlim-tədris müəssisələri pandemiya şərtlərinə uyğunlaşdırılmış formada fəaliyyətə başlayıb.


Qabaqlayıcı tədbirlər sayəsində bu məhdudiyyətlər də aradan qaldırıla bilər


Amma ölkədəki mövcud sanitar-epidemioloji vəziyyətin tələblərinə uyğun olaraq bir sıra məhdudiyyətlər qüvvədə saxlanılıb. Yük daşımaları istisna olmaqla, ölkə ərazisinə yerüstü və hava nəqliyyatı ilə giriş-çıxış, ölkənin şəhər və rayonlarından yerüstü və hava nəqliyyatı ilə sərnişin daşımalarına icazə verilmir. Dəfn mərasimləri istisna olmaqla, dini ritual xidmətləri, eləcə də mərasim zallarında, çadırlarda və digər qapalı məkanlarda yas mərasimlərinin təşkili və keçirilməsi, bütün kütləvi tədbirlərin, o cümlədən mədəni-idman tədbirlərinin keçirilməsi (tamaşaçıların iştirakı olmadan açıq havada idman yarışlarının, oyunlarının keçirilməsi istisna olmaqla), tədbirlərin təşkili üzrə xidmətlərin, o cümlədən bu sahədə müştərinin evində və ya digər məkanlarda ad günləri, toy, nişan və bu kimi mərasimlərin təşkili, ictimai yerlərdə, o cümlədən küçələrdə, bulvarlarda, parklarda və digər yerlərdə şəxslərin (yaxın qohumlar, yəni ata-ana, nənə-baba, uşaqlar və bacı-qardaşlar istisna olmaqla) 10 nəfərdən artıq qruplarda cəmləşməsi də məhdudiyyətlər arasındadır.

Hazırda qarşıda duran ən mühüm vəzifələrdən biri əldə olunmuş nailiyyətlərin qorunub saxlanması və möhkəmləndirilməsidir. Qarşıdan müxtəlif xəstəliklərin aktivləşdiyi mövsümlər gəldiyinə görə bu məsələ xüsusi aktuallıq kəsb edir.

Nəzərə alınmalıdır ki, payız-qış mövsümü həmçinin digər xəstəliklərin fəallaşdığı dövrdür. COVID-19-la birlikdə bu xəstəliklər insan orqanizmi üçün ciddi təhlükədir. Buna görə də koronavirusun yayılmasına, yeni yoluxma nöqtələrinin yaranmasına imkan verilməməlidir.

Xüsusilə də tədris müəssisələrinin fəaliyyətə başladığı hazırkı dövrdə övladlarımızı bu problemdən qorumaq, onların təhsil prosesinə normal şəraitdə qovuşmasını təmin etmək vacib məsələlərdən biridir. Təhsil millətin gələcəyini müəyyənləşdirən strateji məsələdir və bütün dünyanın pandemiya sınağı ilə üz-üzə qaldığı bir zamanda ölkəmizdə ibtidai siniflər üzrə həftədə 2-3 gün də olsa ənənəvi təhsilin bərpa edilməsi olduqca sevindiricidir. Qarşıdakı hədəf isə infeksiyaya yoluxma sayını daha da aşağı səviyyəyə salmaqla, yuxarı siniflərin əyani formada təhsil almasına şərait yaratmaqdır.


Pandemiya şərtlərinə əməl etmək vacibdir


Bu həssas mərhələdə bəzi təəssüfləndirici hallarla da qarşılaşmalı olmuşuq. Belə ki, Quba rayonu Qamqam kənd orta məktəbində 8 müəllimin virusa yoluxması səbəbindən əyani tədris dayandırılıb, distant təhsilə keçilib. Müəllimlər arasında kütləvi yoluxmanın səbəbi isə sosial məsafənin qorunmaması və şəxsi gigiyena vasitələrindən istifadə edilməməsidir. Bakıda da müəllim və şagirdlərdə koronavirus aşkar edildiyi üçün 4 sinifdə distant təhsilə keçilib.

Gündəlik olaraq məktəblərdə yoluxma halları ilə bağlı statistikalar açıqlanır. Göründüyü kimi, tələblərə əməl olunmaması, COVID-19-un heçə sayılması təhsil müəssisələrimizdə də kütləvi yoluxmaları qaçılmaz edir. Məktəbin, siniflərin bağlanmasına gətirib çıxarır ki, belə hallar arzuolunan deyil və qətiyyən yolverilməzdir.

Hər bir vətəndaş qoyulan qərarlara, pandemiyanın tələblərinə mütləq şəkildə əməl etməlidir. Həmçinin COVID-19-a yoluxma hallarının olmaması üçün tədris müəssisələrində karantin qaydalarına və sanitar-gigiyenik şəraitə diqqət artırılmalıdır.

Bütün şagirdlər, valideynlər, müəllimlər və işçi heyət sosial məsafəni qorumalı, şəxsi gigiyenik vasitələrdən mütəmadi istifadə etməlidirlər. Necə ki, koronavirusun tibbi çarəsi tapılmayıb, bizi yalnız sadalanan ehtiyat tədbirləri təhlükəli bəladan qoruya bilər.

Yasəmən MUSAYEVA,

"Azərbaycan”





NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM