22 Sentyabr 2020 13:50
367
SİYASƏT
A- A+

“TRT Haber” telekanalı Ermənistanın hərbi təxribatlarından reportaj yayımlayıb


Türkiyənin nüfuzlu "TRT Haber” telekanalı Ermənistan silahlı qüvvələrinin Azərbaycanın Tovuz rayonu istiqamətindən torpaqlarımıza hücum cəhdi barədə xüsusi reportaj yayımlayıb.

AZƏRTAC xəbər verir ki, tanınmış telejurnalist Ahmet Görməzin aparıcılığı ilə yayımlanan reportajda işğalçı tərəfin təcavüzkar cəhdləri ilə son günlər baş verən hadisələrin səbəb və məqsədləri barədə tamaşaçılara müfəssəl məlumat verilib. Reportajda Ermənistan ordusunun Azərbaycanın mülki əhalisinə, dinc sakinlərə, yaşayış evlərinə atəş açması nəticəsində yaranmış dağıntıları əks etdirən kadrlar nümayiş olunub. Ekspert rəyləri ilə əsaslandırılıb ki, Ermənistanın məqsədi Dağlıq Qarabağdan xeyli məsafədə yerləşən bölgədə yeni münaqişə ocağı yaratmaqdır. İşğalçı tərəfin beynəlxalq əhəmiyyətli enerji və kommunikasiya xətlərini hədəfə aldığı şübhəsizdir. Diqqətə çatdırılıb ki, Türkiyə tərəfi bütün dünyaya bəyan edib ki, Azərbaycana dövlət səviyyəsində dəstək göstərir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video