19 Sentyabr 2020 21:05
763
SİYASƏT
A- A+

AZƏRTAC ilə VNA həm ikitərəfli formatda, həm də beynəlxalq media təşkilatları çərçivəsində uğurla əməkdaşlıq edir


Vyetnam Xəbər Agentliyinin (VNA) yaradılmasının 75 illiyi qeyd olunur.

1945-ci ilin sentyabrında Vyetnamın sabiq Prezidenti Xo Şi Minin müstəqillik aktını elan etməsindən bir neçə gün sonra Vyetnam Xəbər Agentliyi VNTTX adı ilə öz xəbərlərini Vyetnam, ingilis və fransız dillərində yaymağa başlayıb.

AZƏRTAC xəbər verir ki, Vyetnam Sosialist Respublikasının rəsmi xəbər agentliyi olan VNA media holdinqə 32 qurum, o cümlədən 5 redaksiya, nəşriyyat evi, 9 qəzet, televiziya kanalı və elektron portal daxildir. Ölkə daxilində və xaricdə bir neçə müxbir məntəqəsi fəaliyyət göstərən VNA 40-dan çox xarici agentliklə, o cümlədən AZƏRTAC ilə sıx əməkdaşlıq edir. İki agentlik arasında əməkdaşlıq haqqında sənəd 2014-cü ildə imzalanıb. O vaxtdan başlayaraq VNA və AZƏRTAC informasiya mübadiləsi aparır.

AZƏRTAC-ın İdarə Heyətinin sədri Aslan Aslanovun yubiley münasibətilə VNA-nın baş direktoru Nquyen Duc Loya ünvanladığı videotəbrikdə xalqlarımız arasında dərin tarixi köklərə malik dostluq münasibətlərinin daha da inkişafında xəbər agentliklərinin mühüm rolundan söhbət açılır. Qeyd olunur ki, AZƏRTAC ilə VNA həm ikitərəfli, həm də beynəlxalq media təşkilatları çərçivəsində uğurla əməkdaşlıq edirlər.

VNA-nın internet səhifəsində yerləşdirilən videotəbrikdə 2019-cu ilin aprelində AZƏRTAC-ın sədrliyi və VNA xəbər agentliyinin təşkilatçılığı ilə Hanoyda Asiya və Sakit Okean Ölkələri İnformasiya Agentlikləri Təşkilatının (OANA) İcraiyyə Komitəsinin 44-cü iclası, habelə Vyetnamın Baş Naziri Nquyen Suan Fukun iclasın bir qrup iştirakçısı ilə görüşü məmnunluqla xatırlanıb.

AZƏRTAC-ın İdarə Heyətinin sədri VNA-nın kollektivinə müasir innovasiyaların tətbiqində, Vyetnam həqiqətlərinin dünyaya çatdırılması işində uğurlar arzulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video