19 Sentyabr 2020 20:57
908
DÜNYA
A- A+

Birləşmiş Ərəb Əmirliklərində COVID-19 əleyhinə ilk vaksin ölkənin Səhiyyə nazirinə vurulub


Birləşmiş Ərəb Əmirliklərində COVID-19 əleyhinə ilk vaksin ölkənin Səhiyyə naziri Əbdülrəhman əl-Qüeyisə vurulub.

Rəsmi WAM informasiya agentliyinin məlumatına görə, nazirdən sonra bütün səhiyyə işçilərinə vaksinin vurulması nəzərdə tutulur.

Nazir jurnalistlərə bildirib ki, ona vurulan vaksin tamamilə təhlükəsizdir və arzu edən bütün könüllülər ödənişsiz əsasda vaksinləşmə prosesində iştirak edə bilərlər.

COVID-19-a yoluxma hallarının artdığı BƏƏ-də hökumət toy və yas mərasimləri üçün yeni qaydalar tətbiq edib. Belə ki, toy mərasimlərində hər iki tərəfdən maksimum 10 nəfər iştirak edə bilər. Qonaqlar isə mərasimdən 24 saat əvvəl COVID-19 testindən keçməlidir. Eyni qaydalar dəfn və yas mərasiminə də aid edilir. Qəbiristanlıq işçilərinin qoruyucu maskadan istifadə etməsi məcburidir.

Son sutka ərzində BƏƏ-də daha 809 nəfər COVID-19-a yoluxub, 1 pasiyent isə vəfat edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video