Azərbaycan Respublikası Təhsil Nazirliyi açıq tender elan edir
Azərbaycan Respublikası Təhsil Nazirliyi potensial malgöndərənləri (podratçıları) müəllimlərin ixtisasartırma təlimlərinin təşkili üzrə iş və xidmətlərin satın alınması üçün dövlət satınalmalarının vahid internet portalı (www.etender.gov.az) vasitəsilə keçirilən aşağıdakı açıq tenderlərdə iştirak etməyə dəvət edir:
Tenderlər |
Təlimin adı |
Təlimin müddəti (akademik saatla) |
Müdavim sayı (nəfərlə) |
Tender 1
İbtidai təhsil səviyyəsində dərs deyən müəllimlər üçün ixtisasartırma təlimləri |
İbtidai təhsil səviyyəsinin Azərbaycan bölməsində dərs deyən müəllimlər üçün ehtiyat dərslik komplekti əsasında Azərbaycan dili və riyaziyyat fənlərinin məzmunu və metodikası üzrə ixtisasartırma təlimi (distant) |
72 |
8500 |
İbtidai təhsil səviyyəsinin rus bölməsində dərs deyən müəllimlər üçün ehtiyat dərslik komplekti əsasında Azərbaycan dili (dövlət dili kimi) fənninin məzmunu və metodikası üzrə ixtisasartırma təlimi (distant) |
36 |
650 |
|
İbtidai təhsil səviyyəsinin rus bölməsində dərs deyən müəllimlər üçün ehtiyat dərslik komplekti əsasında riyaziyyat fənninin məzmunu və metodikası üzrə ixtisasartırma təlimi (distant) |
36 |
650 |
|
İbtidai təhsil səviyyəsində dərs deyən müəllimlər üçün ehtiyat dərslik komplekti əsasında ingilis dili fənninin məzmunu və metodikası üzrə ixtisasartırma təlimi (distant) |
30 |
1500 |
|
Tender 2
Ehtiyat dərsliklərin istifadəsi ilə bağlı metodiki xidmətin təşkili (mentorluq) üzrə ixtisasartırma təlimi |
Ehtiyat dərsliklərin istifadəsi ilə bağlı metodiki xidmətin təşkili (mentorluq) üzrə ixtisasartırma təlimi |
18 |
4000 |
Tender 3
Şagirdlərin yaş xüsusiyyətlərini nəzərə almaqla onların psixoloji rifahının yaradılması istiqamətində müəllimlərin peşəkar potensialının artırılması üzrə ixtisasartırma təlimləri |
Uşaq psixologiyasının əsasları üzrə ixtisasartırma təlimi (distant) |
24 |
1500 |
Məktəbdə sağlam sosial emosional mühitin formalaşdırılması üzrə ixtisasartırma təlimi (distant)
|
30 |
3000 |
Bütün tenderlər üzrə ixtisasartırma təlimləri Azərbaycan Respublikasının Vergi Məcəlləsinin 164.1.13-cü maddəsinə əsasən ƏDV-dən azaddır.
Dövlət satınalmalarını tənzimləyən normativ hüquqi sənədlərdə göstərilən hallar istisna olmaqla, istənilən rezident və qeyri-rezident hüquqi və ya fiziki şəxslər, yaxud hüquqi şəxslər birliyi dövlət mənsubiyyətindən asılı olmayaraq, Azərbaycan Respublikasında keçirilən dövlət satınalma prosedurlarında iddiaçı kimi iştirak edə bilərlər. Satınalan təşkilatdan hüquqi, maliyyə və ya təşkilati asılılığı olan İddiaçıların həmin təşkilat tərəfindən keçirilən satınalma prosedurlarında iştirakına yol verilmir.
Tenderdə iddiaçı kimi iştirak etmək istəyən malgöndərən (podratçı) 07 oktyabr 2020-ci il saat 16:00-dək vahid internet portalı vasitəsilə aşağıdakı sənədləri təqdim edir:
1. Tenderdə iştirak etmək üçün ərizə (tenderin adı göstərilməklə) və hər bir tender üzrə 100 (bir yüz) manat məbləğində heç bir halda geri qaytarılmayan iştirak haqqının ödənilməsini təsdiq edən bank sənədi. İştirak haqqının ödənilməsi yalnız "ASAN Ödəniş” vasitəsilə həyata keçirilə bilər. Müsabiqəyə daxil olduqdan sonra "ASAN Ödəniş”lə ödə” düyməsini sıxaraq aidiyyəti keçid vasitəsilə ödənişi etdikdən sonra müsabiqədə iştirak etmək olar. İştirak haqqı aşağıdakı hesaba köçürülməlidir:
Bakı şəhəri, AZ1008, Xətai prospekti, 49, Azərbaycan Respublikası Təhsil Nazirliyi
VÖEN: 1500046011
DXA
VÖEN: 1401555071
Kod: 210005
Müxbir hesabı: AZ41NABZ01360100000000003944
S.W.I.F.T. - CTREAZ22
Hesab №: AZ30CTRE00000000000002168501
Fond 7 Büdcə gəlirlərinin təsnifatı 142330 sair daxil olmalar.
2. Malgöndərənin (podratçının) tam adı və rekvizitləri, qeydiyyatdan keçdiyi ölkə və hüquqi statusunu təsdiq edən sənədlər.
3. Malgöndərənin (podratçının) son bir ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti barədə bank tərəfindən verilmiş arayış.
4. Malgöndərənin (podratçının) ixtisas uyğunluğu göstəricilərinin təsdiqi kimi pedaqoji heyət üçün ixtisasartırma təlimləri üzrə kənar sifariş əsasında icra edilmiş ən azı bir müqavilənin əslinin surəti.
5. Tender iştirakçısının satınalma müqa
viləsini bağlamaq səlahiyyəti olmasının təsdiqi kimi kiçik, orta yaxud mikro sahibkarlıq subyekti olması haqqında müvafiq səlahiyyətli orqan tərəfindən verilmiş arayış.
6. Tender iştirakçısının Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) vergi ödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması haqqında vergi orqanı tərəfindən verilmiş arayış.
7. Tender iştirakçısının öz əmlakından sərbəst və məhdudiyyətsiz istifadə etmək imkanı, habelə ödəmə qabiliyyəti olması barədə məlumat.
8. Tender iştirakçısının müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması barədə məlumat.
9. Tender iştirakçısının satınalma prosedurlarının başlanmasından əvvəlki 5 il ərzində özünün, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə məlumat.
10. Ali və ya əlavə təhsil müəssisəsi olması haqqında müvafiq səlahiyyətli orqan tərəfindən verilmiş sənəd.
İddiaçı iştirak etdiyi hər bir tender üzrə tender təklifini, təklifin dəyərinin 1 (bir) faizi həcmində olan bank təminatını "Dövlət satınalmaları haqqında” qanunun və əsas şərtlər toplusunun tələblərinə uyğun hazırlayaraq 15 oktyabr 2020-ci il saat 16:00-dək vahid internet portalı vasitəsilə təqdim etməlidir. Tender təklifi açıldığı gündən sonra 30 (otuz) bank günü qüvvədə qalmalıdır. Tender təklifinin təminatı təklifin qüvvədə olma müddətindən 30 (otuz) bank günü çox olmalıdır. İddiaçılar hər bir tender üzrə yalnız bir təklif verə bilər. İddiaçıların tender təklifi, həmçinin tenderlə əlaqədar bütün yazışmalar və sənədlər Azərbaycan dilində tərtib edilməlidir.
Tender təklifləri 16 oktyabr 2020-ci il saat 16:00-da açılacaqdır. İddiaçılar açılışın nəticələri ilə vahid internet portalı vasitəsilə tanış ola bilərlər. Hər bir tender üzrə azı üç təklif təqdim olunduqda tender baş tutmuş hesab edilir. Üçdən az təklif daxil olan tender baş tutmamış elan edilir, həmin tenderin davamından imtina edilir.
Tender "Dövlət satınalmaları haqqında” Azərbaycan Respublikasının Qanununa uyğun olaraq keçirilir. Tenderdə iştirak, tender təkliflərinin qiymətləndirilməsi və digər bütün prosedurlar yalnız elektron qaydada vahid internet portalı vasitəsilə aparılır. Tenderin prosedur qaydaları, təkliflərin təqdim edilməsi və təkliflərin qiymətləndirilməsi və müqayisəsi əsas şərtlər toplusunda öz əksini tapır. İddiaçı "Dövlət satınalmaları haqqında” Azərbaycan Respublikasının Qanunu, əsas şərtlər toplusunun məzmunu, o cümlədən iştirakçılar üçün təlimatlar, tender sənədlərinin formaları, müqavilə şərtləri, texniki şərtlər və s. ilə tanış olmalıdır. İddiaçının bu sənədlər və tender təklifi haqqında tam təsəvvürü, məlumatı olmaması və əsas şərtlər toplusunun tələblərinə uyğun gəlməyən təklif verməsi onun tender təklifinin kənarlaşdırılması ilə nəticələnə bilər. Tender təkliflərini qiymətləndirərkən və müqayisə edərkən tenderin əsas şərtlər toplusunda müəyyənləşdirilən keyfiyyət tələblərinə cavab verən yerli mallar (işlər və xidmətlər) üzrə tender təkliflərinin xeyrinə xaricdən idxal olunan eyni malların (işlər və xidmətlərin) təklif edilən qiymətinin 20 faizi həcmində güzəştli düzəliş tətbiq edilir.
Xidmətlər satınalma müqaviləsinin imzalanması tarixindən 25 dekabr 2020-ci il tarixədək başa çatdırılmalıdır.
Əlavə məlumat üçün tender üzrə əlaqələndirici Cəfərova Gülüstan Hidayət qızına müraciət etmək olar. Əlaqə məlumatları:
Ünvan: Bakı şəhəri, Xətai prospekti, 49
Telefon: 599-11-55 (daxili 5296)
e-mail: [email protected]
Tender komissiyası
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
HƏMAS lideri İranın Baş Qərargah rəisi ilə görüşüb
29 Mart
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!