Alternative content

14:41 31 Oktyabr 2020
ONLINE XƏBƏR LENTİ
PAYIZ ETÜDLƏRİ - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Velosipedçi də hərəkət iştirakçısıdır
Velosipedçi də hərəkət iştirakçısıdır
ANA SƏHİFƏ / CƏMİYYƏT
00:11 11.09.2020


Atalarımız "Sonrakı peşmançılıq fayda verməz”, - deyiblər. Əfsuslar olsun ki, bu müdrik kəlamdan istənilən kimi nəticə çıxarmır, atdığımız addımın, tutduğumuz işin nə ilə başa çatacağını düşünmürük.

Söhbət son zamanlar durmadan artan velosiped qəzalarından gedir. Yeniyetmə və uşaqlar şəhər yerlərindəki küçə və parklarda velosipedlərlə cıdır yarışına çıxıbmış kimi iki-bir, üç-bir, bəzən də qrup halında sürətlə belədən-belə şütüyürlər. Onlar axşam saatlarında istirahətə çıxan qoca, qadın və azyaşlı uşaqların yanından sürətlə keçərkən müxtəlif manevrlərlə adamlarda qorxu, həyəcan hissi yaradırlar. Bəzən xəsarət alanlar da olur. Nəqliyyatın sel suları kimi axıb getdiyi küçələrdə də velosiped sürənlər az deyildir. Rayon yerlərində isə daha təhlükəli mənzərə hökm sürməkdədir. Uşaqlar qəsəbə və kəndlərin, habelə rayon mərkəzlərinin ərazilərindən keçib gedən magistral şose yoluna çıxaraq sanki nəyə qadir olduqlarını göstərmək istəyirlər. Elə bu vaxt da onların bəziləri avtomobillərin yoluna çıxıb qəza vəziyyəti yaradırlar. Belə hallar isə çox zaman ölümlə nəticələnir. Bu yaxınlarda Salyan rayonundakı Şorsulu tam orta məktəbin 9-cu sinif şagirdi Ruslan Əsgərov axşam vaxtı yaxınlıqdan keçən şose yolunda velosiped sürərkən maşına çırpılaraq kəllə-beyin travması almışdır. Bakı şəhərinə - xəstəxanaya aparılsa da, onun həyatını xilas etmək mümkün olmamışdır. Cəlilabad rayonunun Sabirabad kəndində baş verən hadisə də dəhşətlidir. Həmin kənddə yaşayan Mehman Məmmədov idarə etdiyi "Mersedes-Bens C 180” markalı avtomobillə 13 iyul 2020-ci il tarixdə kəndin ərazisində hərəkətdə olarkən təzə-təzə velosiped sürməyi öyrənən 4 yaşlı Yusif Məmmədovu vurmuşdur. Bədəninin müxtəlif nahiyələrindən zədə alan balaca Yusif xəstəxanaya aparılarkən yolda keçinmişdir.

Biz əslində velosipedin əleyhinə deyilik. Məlumdur ki, velosiped sərfəli və sağlamlıq üçün lazımlı , ekoloji cəhətdən təmiz nəqliyyat vasitəsidir. Bir çox inkişaf etmiş ölkələrdə hətta yüksək çinli məmurların belə ondan istifadə etdikləri də heç kəsə sirr deyil. Lakin hər şeydən qaydasında istifadə etdikdə faydalı olur. Çoxlu sayda velosiped qəzalarının nədən yarandığını təhlil edərkən burada müxtəlif səbəblər ağıla gəlir. Bəlkə bu, koronavirus pandemiyası dövründə uşaqların məktəbə getmədikləri, onların asudə vaxtının bolluğu, valideynlərin övladlarına qarşı diqqətsizliyi, yol hərəkəti qaydaları haqqında maarifləndirmə işinin zəifliyi və ya heç olmadığı ucbatından yaranır? Artıq bu barədə ciddi düşünməyin vaxtıdır. Bəlkə də gecikmişik ki, bu qəzalar baş verir. Yalnız iki kəndin timsalında gördüyümüz bu faktlar digər rayonlarda da təkrar olunur. Hər birimiz də velosiped sürənlərin sayının gündən-günə çoxaldığını görürük. Hər bir valideyn, hər bir təhsil ocağı, ictimaiyyət və əlaqədar qurumlar bu barədə düşünməli, maarifləndirmə işləri aparmalıdırlar.

Bir vacib məqamı unutmayaq: velosipedçi də hərəkət iştirakçısıdır. Odur ki, yol hərəkəti qaydalarını bilməli və ona düzgün əməl etməlidir. Belədə həm özünü qoruyar, həm də qəzaların qarşısı alınar.

Seyran CAVADOV,

"Azərbaycan”





NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM