14 Avqust 2020 01:34
572
SİYASƏT
A- A+

“Biz qürbətdə olsaq da, qəlbimiz Azərbaycanla döyünür”


Xaricdəki vətənpərvər gənclər Ermənistanın təxribatları ilə bağlı yaşadıqları ölkələrdə haqq səslərini ucaldırlar


"...Gənclərdə vətənpərvərlik çox güclü olmalıdır. Gənclər milli ruhda, vətənpərvərlik ruhunda, ənənəvi dəyərlər əsasında tərbiyə almalıdırlar. Bax belə gənclər ölkəmizi gələcəyə inamla aparacaq. Hesab edirəm ki, bugünkü gənclərin mütləq əksəriyyəti bu meyarlara cavab verir - bilikli, savadlı, Vətənə bağlı, vətənpərvər və dünyaya açıq”.

İlham ƏLİYEV


"Vətən daşı olmayandan olmaz ölkə vətəndaşı!” Çox müdrikcəsinə deyilmiş bu kəlamın arxasındakı vətənpərvərlik hisslərinin yaşadılması olduqca vacibdir. Çünki Vətənimiz təcavüzkarlarla illərdir ki, açıq-aşkar mübarizə və müharibə aparır. Sevindirici haldır ki, Azərbaycan gəncliyi vətəndən çox-çox uzaqlarda belə təəssübkeşliyi və vətənpərvərliyi ilə nümunəyə çevrilib. Ali Baş Komandanın bir çağırışına, əmrinə bənddir ki, təcavüzkar, işğalçı düşmənə öz layiq olduğu yeri göstərsin.

Ermənistan silahlı qüvvələrinin Tovuz rayonu istiqamətində dövlət sərhədlərini pozaraq mövqelərimizi, dinc sakinləri artilleriya atəşinə tutması soydaşlarımızın, o cümlədən də gənclərimizin etirazına və hiddətinə səbəb olub. Bütün dünya azərbaycanlıları, xüsusən də gənclər yaşadıqları və oxuduqları ölkələrin rəsmi qurumlarına, beynəlxalq təşkilatlara, parlamentlərə müraciət etməklə Azərbaycan dövlətinə və ordusuna dəstək aksiyaları keçirməkdədirlər.

Sosial şəbəkələrdə təxribatla bağlı həqiqətləri dünyaya bəyan etməklə, haqq səsimizi beynəlxalq ictimaiyyətə çatdırmaqla yanaşı, onlar həm də Ermənistanı təcavüzü dayandırmağa çağırırlar. Belə bir məqamda yaşından və sosial mənşəyindən asılı olmayaraq, hər kəs Ali baş Komandan İlham Əliyevə müraciət edərək dövlətimizin sərhədlərinin, ərazi bütövlüyünün bərpası üçün döyüşlərə səfərbər etməsini xahiş edir.

Təcavüzkarın törətdiyi təxribat, ordumuzun buradakı sərhəd zastavalarını ağır artilleriya silahları ilə atəşə tutması nəticəsində verdiyimiz mülki və hərbi itkilər sarsıdıcı olsa da, xalqımızın milli həmrəylik nümayişi bu günlərdə yadda qaldı. Açığı, bəlkə də bu hücuma və ona layiqli cavaba qədər təcavüzkar Ermənistanla yanaşı, onun arxasında dayanan bəzi qüvvələr də inanmazdılar ki, Azərbaycan nəinki ərazisini müdafiə etmək gücünə malikdir, hətta düşmənə ağır zərbə vurmaqla öz yerini göstərmək əzmindədir. Çünki Azərbaycan XX əsrin sonlarındakı pərakəndə dəstələrə deyil, Ali Baş Komandan İlham Əliyevin qətiyyətli növqeyi ilə formalaşan, Cənubi Qafqazda NATO standartlarına cavab verən, vətənpərvər gənclərdən ibarət bir orduya malikdir!


"Ermənistanın son təxribatı beynəlxalq ictimaiyyətə kimin işğalçı, təcavüzkar olduğunu bir daha göstərdi”


Azərbaycanın Ermənistan tərəfindən növbəti dəfə hücuma məruz qalmasının xaricdə yaşayan bütün azərbaycanlıların hiddətinə səbəb olduğunu qeyd edən Varşava Dövlət Universitetinin Şərqşünaslıq fakültəsinin nəzdindəki Azərbaycanşünaslıq Mərkəzinin əməkdaşı Şəhla Kazımova deyir ki, Qarabağ həqiqətlərini Polşa ictimaiyyətinə çatdırmaq üçün hər kəs əlindən gələni etməlidir: "Əvvəllər Polşa mediasında Tovuz rayonunda baş verənlər neytral formada - həm Azərbaycanın, həm də Ermənistanın mövqeyi əks olunmaqla işıqlandırılırdı. Bu, hər bir azərbaycanlının hiddətinə səbəb olurdu ki, nəyə görə təcavüzkar və işğalçı Ermənistan olduğu kimi ictimaiyyətə təqdim edilmir? Hazırda bu məsələdə xeyli irəliləyiş var. Bu gün mediada Azərbaycan Müdafiə Nazirliyinin məlumatına və fotolara da yer verilir, Ermənistanın dinc əhaliyə təcavüzü Polşa ictimaiyyətinə çatdırılır. Biz, azərbaycanlılar da xalqımızın haqq səsini, Ermənistanın təcavüzkar və işğalçı bir dövlət olduğunu əlimizdən gəldiyi qədər yaşadığımız yerli əhaliyə çatdırırıq. Son təxribat birmənalı olaraq göstərdi ki, Ermənistan təcavüzkar ölkədir. Dağlıq Qarabağ deyilən bir ölkə yoxdur və Azərbaycanla məhz Ermənistan vuruşur, həm də Dağlıq Qarabağdan uzaq olan tamamilə başqa bir istiqamətdə. Ermənistanın Tovuza hücumu beynəlxalq ictimaiyyətə kimin işğalçı, təcavüzkar olduğunu bir daha göstərmiş oldu”.


Gənclər Ali Baş Komandanın əmri ilə torpaqlarımızın azad olunması uğrunda ölüm-dirim mübarizəsinə hazırdır


Fəaliyyətini Qarabağ həqiqətlərini Avropada yaymağa həsr etmis Milan Konservatoriyasının professoru Mais Nuriyev deyir ki, Ermənistanın son təxribatına etirazını Niderland parlamentinin qarşısında iştirak etməklə bildirib: "Aksiyaya çox sayda insan toplaşmışdı - demək olar ki, Niderlanddakı bütün diaspor təşkilatları və azərbaycanlılar Ermənistanın təcavüzünə etiraz etmək üçün bir arada idi. Mənim də Azərbaycan və italyan dillərində çıxış etdiyim aksiyada dünya birliyini təcavüzə biganə qalmamağa, Ermənistanın işğalçılıq siyasətinə obyektiv yanaşmağa çağırışlar oldu. Məqsədimiz ermənilərin çirkin əməllərini dünyaya tanıtmaqdır. Avropa ölkələrindən tələb edirik ki, təcavüzə son qoyulsun. Biz Azərbaycana sülh istəyirik. Lakin igid oğullarımız Ali Baş Komandanın əmri ilə tarixi Vətənin azadlığı uğrunda ölüm-dirim mübarizəsinə də hazırdır”.


"Azərbaycan xalqının əsgəriyik, hər zaman yanındayıq”


ABŞ-ın Nyu York şəhərindəki Upstate Tibb Universitetinin professoru Rauf Şahbazov hər bir azərbaycanlı kimi hesab edir ki, ermənilərin və onların havadarlarının layiqli cavabı verilməlidir: "Biz, Amerikadakı azərbaycanlılar həm təşkilat olaraq, həm də fərdi şəkildə Azərbaycanın mövqeyini buradakı cəmiyyətə çatdırmaq üçün əlimizdən gələni edirik. Bu istiqamətdə fəaliyyətimizi bundan sonra da davam etdirəcəyik. Biz də Azərbaycan xalqının əsgərləriyik - hansı ölkədə yaşadığımızdan asılı olmayaraq, Ali Baş Komandanın bütün əmrlərini yerinə yetirəcəyik”.


Milli həmrəyliyə çağırış


Ermənistanın son təxribatı ilə bağlı həmvətənlərinə müraciət edən Nürnberq Universitetinin müəllimi, elmlər doktoru Yaşar Musayev isə soydaşlarımızı birliyə çağırıb: "Təəssüf ki, bu günədək qəbul olunmuş qərarlara və beynəlxalq qətnamələrə məhəl qoymayan işğalçı Ermənistanın vətənimizə qarşı təcavüzü davam etməkdədir. Bu gün biz qürbətdə olsaq da, hər birimizin qəlbi ordumuzla, Azərbaycan əsgəri ilə birgə döyünür”.

Avstriyada fəaliyyət göstərən Avstriya-Azərbaycan Mədəniyyət və İş Adamları Dərnəyinin (Azeri-DER) təşkilatçılığı ilə keçirilən aksiyada da bu ölkədə yaşayan soydaşlarımız, türk icmasının təmsilçiləri, mətbuat nümayəndələri iştirak ediblər. Aksiya iştirakçıları "Ermənistanın işğalına son qoyulsun!”, "Ermənistan BMT qətnamələrini icra etməlidir!”, "Biz yalnız beynəlxalq hüquqla torpaqlarımızı geri istəyirik!”, "Qarabağ Azərbaycandır!” şüarlarını səsləndiriblər.

Aksiya Azərbaycanın və Avstriyanın dövlət himnlərinin səsləndirilməsi ilə başlayıb. Sonra Ermənistan silahlı qüvvələrinin Tovuz istiqamətində törətdiyi təxribat zamanı şəhid olanların xatirəsi bir dəqiqəlik sükutla yad edilib.

İştirakçılar yerli sakinləri və mətbuat nümayəndələrini son günlərdə baş verən hadisələr və ümumiyyətlə, Ermənistan-Azərbaycan Dağlıq Qarabağ münaqişəsinin tarixi kökləri və hazırkı vəziyyət barədə məlumatlandırıblar.

Xaricdə yaşayan soydaşlarımızın bu gün vahid mərkəzdən koordinasiya edilməsi, Vətənimizin təcavüzə məruz qalmasının dünya ictimaiyyətinə çatdırılması Azərbaycan Respublikasının Diasporla İş üzrə Dövlət Komitəsinin fəaliyyətinin mühüm hissəsinə çevrilib.

Belə genişmiqyaslı kütləvi tədbirlər gəncliyin öz dövlətinə, Vətəninə və xalqına, ilk növbədə isə, Ali Baş Komandana sədaqətini nümayiş etdirir. Cənab Prezident heç də ötəri yerə demir: "Biz birlikdə güclüyük!”

Məhəmməd NƏRİMANOĞLU,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video