ÇXR Sədri Si Cinpin ölkə sakinlərini yeməkdə israfçılığa son qoymağa çağırıb. Bu barədə RİA Novosti agentliyi xəbər verir.

Çin lideri bildirib ki,"ərzağa münasibətdə israfçılıq halları dəhşətə gətirir və məyus edir". Onun sözlərinə görə, taxıl istehsalı ildən-ilə artsa da, ərzaq təhlükəsizliyi sahəsində risklər həmişə dərk edilməlidir və bu il pandemiyanın təsiri Çin üçün həyəcan siqnalı oldu.

"Qanunvericiliyi möhkəmləndirmək, nəzarəti gücləndirmək, səmərəli tədbirlər görmək, uzunmüddətli mexanizm yaratmaq və ərzaq tullantılarının qarşısını qətiyyətlə almaq lazımdır. Təbliğatı və maarifləndirməni addım-addım gücləndirmək, yeməkdə mülayimlik və qənaət vərdişini effektiv şəkildə aşılamaq, cəmiyyətdə ərzağın israf edilməsinə görə utanc və qənaət üçün qürur hissi yaratmaq lazımdır", - deyə Si Cinpin bildirib.

Agentlik Çin liderinin hər zaman ərzaq təhlükəsizliyinə yüksək diqqət yetirdiyini, israfçılığa qarşı və qənaətcillik uğrunda mübarizə təşəbbüsü ilə çıxış etdiyini qeyd edir. O, qida israfını dayandırmaq və qida tullantılarını azaltmaq üçün dəfələrlə israr edib.

Qeyd olunur ki, Si Szinpin hələ 2013-cü ildən mütəmadi olaraq ciddi qənaət və israfçılığa qarşı mübarizə çağırışları ilə bağlı vacib təlimatlar verir, o cümlədən uşaqların qidada qənaətcilliyin göstərilməsinin zəruriliyi ilə bağlı kifayət qədər məlumatlı olmaları ilə bağlı problemlərin həllinə xüsusi diqqət yetirilib. Lakin, müxtəlif səviyyələrdə görülən tədbirlərə baxmayaraq, bir çox yerlərdə yeməkdə həddindən artıq israfçılıq fenomeni hələ də mövcuddur.