05 Avqust 2020 12:34
708
DÜNYA
A- A+

Yaponiyada qızılın pərakəndə satış qiyməti rekord həddə çatıb


Avqustun 5-də Yaponiyada qızılın satış qiyməti bu qiymətli metalın pərakəndə satış tarixi boyunca ən yüksək həddə çatıb.

AZƏRTAC Kyodo agentliyinə istinadla xəbər verir ki, qızılın kotirovkalarını təyin edən Tokionun "Tanaka kikinzoku” şirkəti bu metalın qramını 7 min 608 yenə (təqribən 72 dollar) təklif edir. Bu, avqustun 4-də olan qiymətdən 152 yen bahadır.

Agentliyin bildirdiyinə görə, maliyyə bazarlarında qeyri-sabitlik davam etdiyi və investorların səhmlərin və dövlət istiqrazlarının qiymətinin kəskin enişindən ehtiyat etdiyi bir vaxtda etibarlı aktiv olaraq qızılın qiyməti artmaqda davam edir. Həmçinin indiki şəraitdə bu nəcib metalın qiymətinin artması, koronavirus pandemiyasının yeni dalğasının gözlənilməsi ilə də əlaqələndirilir.

Xatırladaq ki, Yaponiya hökuməti iyunun əvvəllərində Ümumi Daxili Məhsulun (ÜDM) ilin sonunadək 2,2 faiz azalacağını proqnozlaşdırıb. Bununla yanaşı, cari ilin birinci rübündə Yaponiyada ÜDM-nin 2019-cu ilin son rübü ilə müqayisədə 0,9 faiz azaldığı elan edilib.

Əlavə olaraq qeyd edək ki, son sutka ərzində Yaponiyada koronavirusa yoluxanların ümumi sayı 1200 nəfər artaraq 41 min 400 nəfəri ötüb. Yoluxma nəticəsində həyatını itirənlərin sayı isə 1035 nəfərə çatıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video