14 Iyul 2020 16:59
241
SİYASƏT
A- A+

Malayziyanın Dövlət İnformasiya Agentliyi Ermənistanın təxribatından bəhs edən geniş məqalə yayıb

 
Malayziyanın BERNAMA - Dövlət İnformasiya Agentliyi iyulun 12-dən Ermənistan silahlı qüvvələrinin Azərbaycan-Ermənistan dövlət sərhədinin Tovuz rayonu istiqamətində mövqeləri ələ keçirmək məqsədilə başladığı hücum cəhdlərinə dair böyük məqalə yayıb.

AZƏRTAC xəbər verir ki, iyulun 14-də yayılmış məqalədə ölkəmizin Malayziyadakı səfiri Qaley Allahverdiyevin məsələ ilə əlaqədar açıqlaması öz əksini tapıb.

Baş verən hadisələrin Ermənistanın növbəti təxribatçı əməllərindən biri olduğunu qeyd edən Azərbaycan səfiri beynəlxalq ictimaiyyətin burada olduqca vacib bir məqama diqqət yetirməli olduğunu vurğulayıb. Səfirimiz qeyd edib ki, Ermənistan belə bir cəhdlə üçüncü ölkələri münaqişəyə cəlb etmək istəyir.

Azərbaycan Prezidenti İlham Əliyevin iyulun 13-də Təhlükəsizlik Şurasının iclası zamanı səsləndirdiyi məqamlara istinad edən səfir Q.Allahverdiyev baş verən hadisələrdə bütün məsuliyyəti Ermənistanın hərbi-siyasi rəhbərliyinin daşıdığını, operativ vəziyyət imkan verən kimi Azərbaycanda fəaliyyət göstərən xarici ölkələrin nümayəndələrinin həmin əraziyə dəvət ediləcəyini və bu hərbi təxribatı törədənin kimliyinin onlar üçün də aydın olacağını bildirib.

Q.Allahverdiyev bu təxribat cəhdinin Azərbaycanın Dağlıq Qarabağ regionundan kənarda meydana gəlməsinə diqqət çəkərək, ölkəmizin münaqişənin sülh yolu ilə həllini istədiyini və buna çalışdığını vurğulayıb. Qeyd edib ki, Ermənistan rəhbərliyi işğalı dayandırmağı tələb edən BMT Təhlükəsizlik Şurasının 4 qətnaməsinə və digər beynəlxalq sənədlərə məhəl qoymur. Bildirib ki, Azərbaycan öz ərazi bütövlüyünü və sərhədlərini əzmlə qorumaqda davam edəcək.

Azərbaycan səfiri, həmçinin ölkəmizin ərazi bütövlüyünü dəstəkləməklə nümayiş etdirdiyi birmənalı mövqeyə görə Malayziya hökumətinə minnətdarlığını da bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video