11 Iyul 2020 22:18
293
SİYASƏT
A- A+

BMT Baş Assambleyasının 31-ci xüsusi sessiyasının ilkin gündəliyi dərc olunub


BMT Baş Assambleyasının Azərbaycan Respublikasının Prezidenti İlham Əliyevin təşəbbüsü ilə çağırılmış 31-ci xüsusi sessiyasının ilkin gündəliyi dərc olunub.

AZƏRTAC xəbər verir ki, BMT-nin rəsmi saytında dərc olunmuş gündəliyə 7 bənd daxildir:

1. Baş Assambleyanın 74-cü növbəti sessiyasının sədrin nümayəndə heyəti tərəfindən açılışı.

2. Dua və ya düşünməyə həsr olunmuş bir dəqiqəlik sükut.

3. Baş Assambleyanın xüsusi sessiyasında nümayəndələrin səlahiyyətləri:

a) Səlahiyyətlərin yoxlanılması komitəsinin üzvlərinin təyin olunması;

b) Səlahiyyətlərin yoxlanılması komitəsinin məruzəsi.

4. Sədr və digər səlahiyyətli şəxslərin seçilməsi.

5. Gündəliyin təsdiq olunması.

6. Sessiyanın təşkili.

7. Ümumi müzakirələr.

Xatırladaq ki, Azərbaycan Prezidenti İlham Əliyevin BMT Baş Assambleyasının koronavirus pandemiyasına qarşı mübarizəyə həsr olunmuş videokonfrans formatında xüsusi sessiyasının çağırılması təşəbbüsü BMT Baş Assambleyasının Prosedur Qaydalarına uyğun olaraq tələb olunandan da xeyli sayda çox dövlət tərəfindən dəstəklənib.

BMT-nin Baş katibi Antonio Quterreş iyunun 30-da bütün üzv dövlətlərə nota göndərərək, təşəbbüsə BMT üzv dövlətlərinin əksəriyyəti tərəfindən dəstək verildiyini və Baş Assambleyanın 31-ci xüsusi sessiyasının iyulun 10-da çağırılacağını bildirib.

Baş Assambleyanın 74-cü sessiyasının sədrini təmsil edən Nigeriyanın nümayəndə heyətinin rəhbəri xüsusi sessiyanın müvəqqəti sədri qismində çıxış edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video