Borcumuzdur bu ehtiram...
Dünyanın qədim arxitektura nümunələri ilə fərqlənən şəhərləri arasında Bakının özünəməxsus yeri var. Bu sənət inciləri ən qabaqcıl məktəblərin təcrübəsindən yararlanmaqla tarixin müxtəlif dövrlərində meydana gəlib. Həmin gözəl əsərlərdən bir neçəsinin müəllifi Zivər bəy Əhmədbəyovdur. O Zivər bəy ki, bu gün qədim Bakıda özü də abidələşib…
Bənzərsiz memarlıq nümunələri ilə mədəni irsimizə əvəzsiz töhfələr bəxş edən sənətkarın heykəli üçün yer isə təsadüfi seçilməyib. Abidə Bakı şəhərinin Yasamal rayonunda, "Nizami” metrostansiyasının qarşısındakı parkda qoyulub. Metrostansiyadan sol tərəfdə yerləşən bina Zivər bəy Əhmədbəyovun layihəsi əsasında tikilib. Metronun qarşısından keçən küçə də onun adını daşıyır.
2011-ci ildə ucaldılan abidənin müəllifi Xalq rəssamı Natiq Əliyevdir.
"Nizami” metrostansiyasının qarşısında Zivər bəyin adını daşıyan park var. Həmin ərazi uzun müddət baxımsız vəziyyətdə olub. Buradan antisanitariya şəraitində fəaliyyət göstərən yeməkxanalar və köşklər yığışdırılıb, 2011-ci ildə Zivər bəyin adını daşıyan park yaradılıb. Parkın ərazisində çoxlu sayda müxtəlif ağac və gül kolları əkilib, yaşıllıq zolaqları salınıb. Parkda müasir tələblərə cavab verən işıqlandırma sistemi qurulub.
Parkın girəcəyində altı kafkanlı və Zivər bəy Əhmədbəyovun abidəsinin arxasında avtomatlaşdırılmış qurğu ilə idarə olunan müasir üslubda fəvvarələr kompleksi quraşdırılıb və paytaxt sakinlərinin istirahəti üçün gözəl şərait yaradılıb.
Qeyd edək ki, park və abidə Prezident İlham Əliyevin sərəncamı ilə yaradılıb. Açılış mərasimi 2011-ci il may ayının 26-da ölkə başçısının iştirakı ilə keçirilib.
1918-1922-ci illərdə Bakının ilk azərbaycanlı baş memarı, şəhərin inkişafında mühüm xidmətlər göstərmiş, dövrünün görkəmli ziyalılarından olan Zivər bəy Əhmədbəyov öz layihələrində Azərbaycan xalq memarlığının mütərəqqi ənənələrini Şərq və Avropa memarlığı ilə böyük sənətkarlıqla birləşdirib. Bakıda Təzəpir (1905-1914), Göy məscid (1912-1913), "Doğum evi” (1910-cu illər), "Uşaq xəstəxanası” (indiki Elmi-Tədqiqat Ana və Uşaq Mühafızəsi İnstitutu, 1914-1916), Göyçayda məscid (1906), Şamaxıda İmam məscidi (1909), Cümə məscidi (1909-1918), "Səadət” məktəbi (1911-1912), bir sıra yaşayış evləri və başqa tikililər memarın layihələri əsasında inşa edilib. Vladiqafqazda da bir sıra yaşayış, məişət binaları onun layihəsinə görə tikilib.
Zivər bəy Əhmədbəyovun Əmircanda layihəsini verdiyi məscid Şərq memarlığının ən yaxşı incilərindən biri kimi UNESKO-nun tarixi abidələr siyahısına salınaraq qorunur.
Zivər bəy bəlkə də daha çox yaradıcılıqla məşğul ola, neçə-neçə gözəl əsərlər yarada bilərdi. Azərbaycanın bu dəyərli oğlunun həyatı ictimai-siyasi hadisələrin olduqca gərgin, dünyanın qarışıq, ziddiyyətli dövrünə düşüb...
1873-cü ildə Şamaxı şəhərində dünyaya gələn Zivər bəy Əhmədbəyov ömrünü maarif işinə sərf edən Gəray bəylə yaxşı təhsil görmüş, ədəbiyyatı sevən, gözəl şeirlər yazan Töhfə xanımın doqquz övladının sonuncusu olub. Şamaxının Sarıtorpaq məhəlləsindəki ata mülkündə keçən uşaqlıq illərindən musiqiyə, ədəbiyyata, rəssamlığa meyil göstərib. Atası onu əvvəl mollaxanaya, sonra gimnaziyaya aparıb. 1902-ci ildə Peterburq İnşaat Mühəndisləri İnstitutunu bitirib və memar diplomu ilə vətənə qayıdıb. İlk peşəkar fəaliyyətinə doğulub böyüdüyü şəhərdə başlayıb.
1902-ci ilin 31 yanvarında baş verən zəlzələ Şamaxını xarabazara çevirib.Zivər bəy Şamaxıda qalıb şəhərin abadlaşması ilə məşğul olub. Dağılmış, bərpası mümkün olmayan Cümə məscidinin yeni layihəsini hazırlayıb. Sonradan Şamaxı qırğınları zamanı qəddar ermənilərdən qaçıb bu məscidə sığınanaları od vurub didi-diri yandıran daşnaklar top gülləsi ilə məscidin 4 minarəsini uçursalar da, bütövlükdə Cümə məscidi salamat qalıb.
Zivər bəy milyonçu Murtuza Muxtarovun sifarişilə Əmircan kəndində tikdirdiyi iki minarəli məscid bir vaxtlar Azərbaycanın ən hündür minarəli məscidi sayılıb. Minarələrin hündürlüyü 40 metrdən artıqdır.
Zivər bəy Əhmədbəyov 1907-ci ildə Bakıda başlanan abadlıq işlərinə nəzarətçi təyin edilib.O, Bakı Quberniyası İdarəsində, sonra isə Bakı şəhər idarəsində memar işləyib.
1918-ci ildə Azərbaycan Xalq Cümhuriyyəti elan olunduqdan sonra Bakı şəhərinin baş memarı olub.
Zivər bəy ictimai fəaliyyətlə də məşğul olub. O, 1917-ci ildə "İslam mədəniyyət abidələrini qoruyan”, 1919-cu ildə isə Şamaxıda mədəniyyət abidələrinin öyrənilməsi ilə məşğul olan "Yeni Şirvan” cəmiyyətlərini yaradıb.
Sovet hökuməti Zivər bəy Əhmədbəyovun savadını, bacarığını, istedadını görməməzlikdən gələ bilməzdi. Çünki yeni hökumətin yüksək ixtisaslı, peşəkar kadrlara ehtiyacı vardı. Ancaq onların keçmişini, düşüncəsini, əqidəsini, məsləkini də yaddan çıxarmayıblar. Bolşevik-daşnak fitnəsi ilə qurulan Sovet hakimiyyətinin Zivər bəyi də məhv edəcəyi gözlənilən idi. Məsələ həm də onda idi ki, Zivər bəy Əhmədbəyovun özünün də qəlbində yeni hökumətə qarşı etiraz vardı. Amma o, qurub-yaratmaq istəyirdi. Azərbaycanda Sovet hakimiyyəti qurulduqdan sonra ermənilərin şər-böhtanı, təqibləri Zivər bəyə arzularını həyata keçirməyə imkan vermirdi. O,belə bir şəraitdə işləməyin mümkünsüzlüyünü respublika rəhbərliyinə bildirdi. Bu onun yeganə etirazı olmadı. Əlli iki yaşlı memar 1925-ci ilin 16 fevrelında Çəmbərkənddə yerləşən evində özünü güllələdi.
Tariximizdə ad qoymuş, vətənini, xalqını çox sevən görkəmli ziyalı, istedadlı memar Zivər bəyi də bolşevik hökuməti belə məhv edib. Ancaq onun xatirəsi soydaşları üçün hər zaman unudulmaz olacaq. Zivər bəy Əhmədbəyovun abidəsi də bu ehtiramın nümunəsidir.
Z.FƏRƏCOVA,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!