04 Iyul 2020 11:43
598
İQTİSADİYYAT
A- A+

Azərbaycanın Enerji Xartiyası Konfransına sədrliyi üzrə reallaşdırılacaq tədbirlərə dair müzakirələr aparılıb


Energetika naziri Pərviz Şahbazov və Beynəlxalq Enerji Xartiyasının baş katibi Urban Rusnakın iştirakı ilə videokonfrans keçirilib.

Energetika Nazirliyindən AZƏRTAC-a bildirilib ki, Enerji Xartiyası Müqaviləsinin müasirləşdirilməsi, eləcə də Azərbaycanın cari ildəki Enerji Xartiyası Konfransına sədrliyi çərçivəsində həyata keçiriləcək tədbirlərlə bağlı məsələlər müzakirə edilib.

Enerji Xartiyası Müqaviləsinin müasirləşdirilməsi prosesində üzv ölkələrin mövqeyinə, müasirləşdirmə üzrə işçi qrupunun fəaliyyətinin təşkilinə dair fikir mübadiləsi aparılıb.

Baş katib U.Rusnak Enerji Xartiyası Müqaviləsinin qlobal enerji sektorunun müasir tələblərinə uyğunlaşdırılmasının vacibliyini qeyd edib və modernizasiya prosesi üzrə danışıqların ilk mərhələsinin gələn həftə başlayacağını bildirib.

Energetika naziri P.Şahbazov isə qeyd edib ki, Azərbaycanın Enerji Xartiyası Müqaviləsinin müasirləşdirilməsinə dair təklifləri 2019-cu ildə təqdim olunub və hazırda dövlət qurumları ilə məsləhətləşmələr davam etdirilməkdədir. Beynəlxalq Enerji Xartiyası üçün qərarların konsensus əsasında qəbul edildiyini nəzərə alaraq, müqavilənin müasirləşdirilməsi ilə əlaqədar ümumi razılığa gəlmək üçün tərəflərin danışıqlar prosesində də aktiv iştirakı vacibdir.

Videokonfransda Bakıda keçirilməsi planlaşdırılan Enerji Xartiyası Forumuna, 31-ci Beynəlxalq Enerji Xartiyası Konfransı və Nazirlər Görüşünə hazırlıqla bağlı texniki-təşkilati məsələlər də nəzərdən keçirilib.

Xatırladaq ki, Azərbaycanın 2020-ci ildə Enerji Xartiyası Konfransına sədrlik etməsi barədə qərar 2018-ci ildə qəbul olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video