29 Iyun 2020 11:44
520
DÜNYA
A- A+

Yaponiya iqtisadiyyatı təxirə salınmış tədbirlərə görə 28 milyard dollardan çox itirəcək


Cari ildə koronavirus pandemiyasına görə ləğv olunmuş və ya daha uzun müddətə təxirə salınan tədbirlər səbəbindən Yaponiya iqtisadiyyatı 28 milyard dollardan çox zərər görəcək.

AZƏRTAC xəbər verir ki, bu barədə hökumətlə birlikdə çalışan Yaponiya İnkişaf Bankının mart, aprel və may ayları üzrə dərc etdiyi hesabatda bildirilir.

Bankın hesablamalarına görə, 1116 ləğv olunmuş və ya təxirə salınan yerli festival nəticəsində 16 milyard dollar zərər dəyəcək. Həmçinin 12705 canlı musiqi konsertindən və teatr tamaşasından dəyən zərər 8,4 milyard dollar təşkil edəcək. Ləğv olunmuş və ya təxirə salınan peşəkar beysbol, futbol oyunları və digər idman tədbirləri isə təqribən 2,5 milyard dollar ziyan vuracaq.

Bununla yanaşı, banka görə, təxirə salınmış beynəlxalq konfranslar və sərgilər nəticəsində dəyən zərər təqribən 28,2 milyard dollar təşkil edəcək.

Eyni zamanda, əsas tədbirlərin iyul və avqustda keçirildiyini xatırladan bank, onların ləğvi və təxirə salınması nəticəsində dəyəcək zərərin dəfələrlə arta biləcəyini də qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video