25 Iyun 2020 16:10
497
DÜNYA
A- A+

BMT: 2018-ci ildə dünyada 269 milyon insan narkotiklərdən istifadə edib


2018-ci ildə dünyada 269 milyon insan kannabis, kokain, tiryək və sintetik narkotik vasitələrdən istifadə edib. Bu, 2009-cu illə müqayisədə 30 faiz çoxdur.

AZƏRTAC xəbər verir ki, bu barədə məlumat BMT-nin narkotik vasitələr və cinayətkarlıq məsələləri üzrə idarəsinin cümə axşamı günü dərc etdiyi "Narkotiklər haqqında ümumdünya məruzəsi - 2020”də yer alıb.

Ekspertlərin sözlərinə görə, 269 milyon insanın 35,6 milyonuna narkotikdən asılılıq səbəbindən tibbi yardım tələb olunub. İstifadə edilən narkotiklər arasında artıq dozası əksər hallarda ölümlə nəticələnən opioidlər (heroin və tiryək) daha təhlükəli sayılır. Ən çox yayılan narkotik isə kannabisdir. Bütün dünya üzrə 192 milyon insan ondan istifadə edib. Kannabisdən istifadənin ən çox yayıldığı ölkə ABŞ-dır. Onun ardınca Böyük Britaniya, İtaliya və Almaniya gəlir.

2018-ci ildə dünyada 5610 ton kannabis, 1131 ton kokain, 704 ton tiryək, 228 ton metamfetamin, 139 ton heroin və morfin, 21 ton amfetamin və 12 ton ekstazi müsadirə edilib.

Məruzədə, həmçinin qeyd olunur ki, hazırda müxtəlif ölkələrdə koronavirus pandemiyası ilə əlaqədar məhdudiyyət tədbirləri narkotiklərin qıtlığına, keyfiyyətinin aşağı düşməsinə və qiymət artımına səbəb olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video