11 Iyun 2020 23:52
459
İQTİSADİYYAT
A- A+

Ötən 2 ayda Astara(İran)-Astara(Azərbaycan) dəmir yolu ilə ölkəmizə 41,5 min ton yük gətirilib


Cari ilin ötən 2 ayı ərzində İran Astara(İran)-Astara(Azərbaycan) dəmir yolu vasitəsilə Azərbaycana 41 min 535 ton yük ixrac edib.

Bu sözləri AZƏRTAC-a müsahibəsində İran Dövlət Dəmir Yolları İdarəsinin şimal bölməsinin direktoru Qulamhüseyn Validi deyib. O bildirib ki, keçən ilin müvafiq dövrü ilə müqayisədə Astara terminalından Azərbaycana ixracın həcmi 178 faiz artıb. Ümumilikdə isə ötən 2 ayda İran Astara(İran)-Astara(Azərbaycan) dəmir yolu vasitəsilə 81 min 967 ton ixrac əməliyyatı həyata keçirib ki, bu da keçən ilin müvafiq dövrü ilə müqayisədə 38 faiz artım deməkdir. Azərbaycan üzərindən yüklər əsasən Rusiya və Ukraynaya göndərilib.

Qeyd olunub ki, İran və Azərbaycan prezidentlərinin iştirakı ilə istifadəyə verilən Astara(İran)-Astara(Azərbaycan) dəmir yolu xətti iki dövlətin dəmir yolları sistemlərini birləşdirib. Şimal-Cənub Beynəlxalq Nəqliyyat Dəhlizinin tərkib hissəsinə daxil olan bu yol gələcəkdə daha da səmərəli fəaliyyət göstərəcək. Qəzvin-Rəşt-Astara dəmir yolunun davamı olan Astara(İran)-Astara(Azərbaycan) xətti İranı Azərbaycan vasitəsilə nəqliyyat baxımından Rusiya və Avropa ilə əlaqələndirir. Gələcəkdə Cənub Şərqi Asiya ölkələrindən Avropa ixrac olunan yüklər İranın Bəndər-Abbas limanına daxil olacaq. Buradan isə Qəzvin-Rəşt-Astara(İran)-Astara(Azərbaycan) dəmir yolu ilə Qərbi Avropaya daşınacaq. Yüklərin əks istiqamətdə də Azərbaycan üzərindən daşınması dövlət büdcəsini valyuta ilə təmin edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video