08 Iyun 2020 17:56
702
Təhsil
A- A+

Azərbaycan-Fransız Universitetində ilk dəfə magistraturaya qəbul imtahanı keçirilib

 
İyunun 8-də Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetində (UFAZ) 2020/2021-ci tədris ili üçün ilk dəfə magistratura pilləsi üzrə qəbul imtahanı keçirilib.

UFAZ-dan AZƏRTAC-a bildirilib ki, bu il ilk dəfə keçirilən imtahanda müxtəlif universitetlərdən ümumilikdə 171 tələbə qeydiyyatdan keçib və onlardan 151-nin namizədliyi təsdiq edilib. Namizədlərin 60-ı UFAZ tələbəsi, 91-i isə Azərbaycanın müxtəlif universitetlərinin məzunlarıdır.

İmtahan koronavirus (COVID-19) pandemiyası dövründə xəstəliyin yayılmasının qarşısının alınması məqsədilə Təhsil Nazirliyi tərəfindən müəyyən edilmiş bütün zəruri göstərişlər nəzərə alınaraq keçirilib. Belə ki, tələbələr maskada, gigiyena qaydalarını və sosial məsafəni gözləyərək, eləcə də hərarətləri ölçülərək UFAZ-a daxil olublar. İmtahan otaqlarında tələbələrin yerləşdirilməsi də sosial məsafə gözlənilərək təmin olunub.

İmtahanda iştirak üçün qeydiyyatdan keçmiş, lakin Bakı şəhərindən kənarda olan 35 tələbə şəhərə gəlmək üçün müvafiq icazə ilə təmin olunub. 150 dəqiqə davam edən imtahanda tələbələr 3 ixtisas (kimya mühəndisliyi/fiziki kimya, tətbiqi kompüter elmləri (Big Data və süni intellekt) və Yer elmləri ixtisasları) üzrə ingilis dilində verilən sualları cavablandırıblar.

İmtahanın nəticələri iyunun 16-da elan olunacaq.

Xatırladaq ki, Dövlət İmtahan Mərkəzinin (DİM) təşkil etdiyi magistratura imtahanından 60-dan çox bal toplayan hər kəs UFAZ-ın magistratura proqramlarına müraciət etmək hüququna malik idi. Magistratura proqramı üçün UFAZ-ın qəbul imtahanında iştirak edən və seçilməyən tələbələr Azərbaycandakı digər ali təhsil müəssisələrinə müraciət şansını itirməyəcəklər. Magistratura proqramı üçün ümumilikdə 80 yer ayrılıb və bütün yerlər ödənişsizdir. UFAZ-ın magistratura pilləsini bitirmiş tələbələr iki dövlət diplomuna yiyələnəcəklər. Beləliklə, tələbələr xaricə getmədən ADNSU ilə yanaşı, Strasburq Universitetinin diplomunu əldə edə biləcəklər. Magistratura təhsili Fransa təhsil sisteminə uyğunlaşdırılmaqla iki ölkənin yüksəkixtisaslı müəllimlərindən ibarət beynəlxalq tədris heyəti tərəfindən aparılacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video