05 Iyun 2020 11:29
793
İQTİSADİYYAT
A- A+

İran Rusiya və Belarusla ticarət əlaqələrini Azərbaycan üzərindən həyata keçirir


İranla Avrasiya İqtisadi Birliyinə (AİB) üzv dövlətlər arasında ticarət dövriyyəsi artaraq 2,11 milyard dollara çatıb.

AZƏRTAC xəbər verir ki, bu barədə İranın Baş Gömrük İdarəsinin rəhbəri Ruhulla Lətifi deyib. O qeyd edib ki, 2019-cu ilin oktyabrında İranla AİB arasında ticarət sahəsində əməkdaşlıq haqqında saziş imzalandıqdan sonra tərəflər arasındakı ticarət dövriyyəsində artım müşahidə edilir.

Qeyd edək ki, İran AİB-ə daxil olan Rusiya və Belarusla ticarət əlaqələrini Azərbaycan üzərindən həyata keçirir. Qurumun iqtisadi baxımdan fəal dövlətləri hesab edilən Rusiya və Belarus İranla geniş iqtisadi əlaqələrə malikdir və bu əlaqələri daha da genişləndirmək niyyətindədir.

Hazırda İran Rusiya və Belarusdan tikinti materialları, ağac, taxta, taxıl, kənd təsərrüfatı texnikası və digər ərzaq və qeyri-ərzaq məhsulları idxal edir. İxraca gəldikdə isə İran ilboyu sitrus meyvə, xalça və neft məhsulları göndərir. Bütün bu əməliyyatlar Astara(Azərbaycan)-Astara(İran) dəmir yolu vasitəsilə reallaşdırılır. Şimal-Cənub Beynəlxalq Nəqliyyat Dəhlizinin əsas tərkib hissəsi olan Qəzvin-Rəşt-Astara(İran)-Astara(Azərbaycan) dəmir yolu xətti tam olaraq istifadəyə verildikdən sonra İranın adıçəkilən dövlətlərlə ticarət dövriyyəsi 2 dəfədən çox artacaq ki, bu da Azərbaycanın tranzit gəlirlərinin də artımına səbəb olacaq.

Hələlik Qəzvin-Rəşt-Astara(İran)-Astara(Azərbaycan) dəmir yolunun Qəzvin-Rəşt hissəsi istismara buraxılıb. Rəşt-Astara hissəsində inşaat işləri davam edir. Ölkəmiz Prezident İlham Əliyevin təşəbbüsü ilə Şimal-Cənub Beynəlxalq Nəqliyyat Dəhlizinin formalaşması prosesinə qoşulduqdan sonra İranla dəmir yolları sisteminin birləşdirilməsi istiqamətində mühüm addım atılıb. İlk növbədə Astara(Azərbaycan)-Astara(İran) şəhərləri arasında 8,5 kilometrlik dəmir yolu xətti çəkilib və iki ölkənin dəmir yolları birləşib. Rusiya və Belarusla Azərbaycanın hələ SSRİ dövründən dəmir yolu əlaqəsi mövcud idi.

İranın Ticarətin Təşviqi Təşkilatının sədri Həmid Zərbudi bildirib ki, ölkəsi ilə AİB arasında 862 növ məhsul idxal və ixrac olunur. Yaxın gələcəkdə idxal-ixrac məhsulların çeşidi və həcmi daha da artacaq.

Nəzərə çatdırmaq lazımdır ki, AİB-ə daxil olan Rusiya və Belarus ticarət əlaqələrini yalnız İranla məhdudlaşdırmayacaq. Şimal-Cənub Beynəlxalq Nəqliyyat Dəhlizi bu dövlətlərə Körfəz ölkələri ilə yanaşı, həm də Cənub-Şərqi Asiya ölkələri və Hindistan ilə ticarət və iqtisadi əlaqələri qurmaq, genişləndirmək imkanı verir. Yüklər Hindistanın Mumbai limanından İranın Bəndər-Abbas limanına daxil olacaq buradan isə Qəzvin-Rəşt-Astara(İran)-Astara(Azərbaycan) dəmir yolu vasitəsilə Rusiya, Belarus və Avropanın digər ölkələrinə daşınacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video