29 May 2020 20:12
690
Məktublar
A- A+

ATƏT Parlament Assambleyasının sədri Georgi Tseretelidən


Azərbaycan Respublikasının Prezidenti Zati-aliləri cənab İlham Əliyevə

Cənab Prezident,

Respublika Günü münasibətilə Sizə ən səmimi təbriklərimlə bərabər, Azərbaycan xalqına sülh və tərəqqi arzularımı çatdırmaq istəyirəm.

Ölkəniz müstəqilliyini bərpa etdikdən sonra ATƏT ilə Azərbaycan qarşılıqlı olaraq faydalı əməkdaşlıqdan yararlanmışdır. Biz Azərbaycanı təhlükəsizliyin hər üç meyarı üzrə öhdəliklərinin icrasında qətiyyətlə dəstəkləyir, eyni zamanda, ölkənizin töhfələrini, xüsusilə də Xəzər dənizi regionunda təhlükəsizlik və iqtisadi inkişaf baxımından əlaqələrin daha da yaxşılaşdırılması istiqamətində son layihələri alqışlayırıq.

ATƏT regionundakı ölkələrin hökumətləri və parlamentləri misli görünməyən COVID-19 pandemiyası ilə mübarizə apararkən ATƏT-in Parlament Assambleyası qarşılıqlı yardımlaşma və koordinasiyanı, həmçinin ölkələrin gələcəkdə yüksək hazırlıq, müqavimət və çevik reaksiya imkanlarını gücləndirmək məqsədilə məlumat və təcrübə mübadiləsini təşviq etməkdə davam edir.

Millət vəkillərinizin onlayn tədbirlərimizdə fəal iştirakını qeyd edərək, xalqlarımızı davam edən böyük təhlükələrdən qorumaq, vətəndaşlarımızın fundamental hüquqlarını müdafiə etmək və iqtisadiyyatımızın uzunmüddətli inkişafını dəstəkləmək üçün Sizinlə və Azərbaycanın ATƏT-in Parlament Assambleyasındakı nümayəndə heyəti ilə sıx işləməyə davam etmək əzmindəyəm.

İcazə verin, fürsətdən istifadə edərək, bütün dünya müsəlmanlarının müqəddəs Ramazan bayramını qeyd etdiyi bu günlərdə Sizə və Azərbaycan xalqına cansağlığı və xoşbəxtlik arzularımı çatdırım.

Hörmətlə,

Georgi Tsereteli
ATƏT Parlament Assambleyasının sədri.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video