27 May 2020 19:19
893
SİYASƏT
A- A+

Ukrayna Ali Radasının mətbu orqanında 28 May - Respublika Gününə həsr olunmuş məqalə dərc edilib

 
Ukrayna Ali Radasının rəsmi mətbu orqanı olan "Qolos Ukraini” qəzetində Azərbaycanın milli bayramı – Respublika Gününə həsr edilmiş "Müstəqillik hüququ” sərlövhəli məqalə dərc edilib.

AZƏRTAC xəbər verir ki, Taras Şevçenko adına Kiyev Milli Universitetinin dosenti, tarix elmləri doktoru Oleq Kupçikin müəllifi olduğu məqalədə Azərbaycan Xalq Cümhuriyyətinin 1918-ci il mayın 28-də qurulduğu və cəmi 23 ay yaşadığı qeyd edilib.

Müəllif yazıb ki, 1990-cı ilin noyabrında Naxçıvan Muxtar Respublikasının Ali Məclisinin (parlamentinin) iclasında Heydər Əliyevin sədrliyi ilə respublikanın adının dəyişdirilməsi ilə bağlı qərar ("Sovet sosialist” sözləri silindi), həmçinin Azərbaycanın himni və bayrağı qəbul edildi. Bütün bunlar SSRİ məkanında və Azərbaycanda Sovet İttifaqı Kommunist Partiyasının Mərkəzi Komitəsinin keçmiş üzvünün etdiyi inqilabi dəyişikliklər kimi qəbul olundu. Bunun nəticəsi olaraq 1991-ci il oktyabrın 18-də Azərbaycan dövlətçiliyini bərpa etdi və dövlət müstəqilliyi haqqında Konstitusiya Aktı qəbul olundu.

Qeyd olunur ki, Azərbaycan ziyalılarının parlaq nümayəndələri olan və Moskva, Sankt-Peterburq, Kiyev, Varşavanın ən nüfuzlu universitetlərində mükəmməl təhsil alan Məhəmməd Əmin Rəsulzadə, Fətəli Xan Xoyski, Əlimərdan bəy Topçubaşov, Nəsib bəy Yusifbəyli və digərləri kiçik ölkələri üçün böyük gələcək arzusunda idilər. Onlar düşündüklərinin çoxunu həyata keçirdilər. Azərbaycan Xalq Cümhuriyyəti müsəlman Şərqində ilk dünyəvi demokratik respublika oldu. Bakı Dövlət Universitetinin açılması, qadınlara səsvermə hüquqlarının verilməsi, müstəqil parlamentin, Azərbaycan Milli Ordusunun yaradılması, yüzdən çox istedadlı gəncin Avropaya təhsil almağa göndərilməsi, dövlət dilinin Azərbaycan dili elan edilməsi AXC qurucularının nailiyyətləri idi. Təəssüf ki, ilk müstəqil respublikanın mövcudluğu 1920-ci ilin aprelində Azərbaycanın bolşeviklər tərəfindən işğalı nəticəsində sona çatdı.

Bildirilir ki, bu gün Azərbaycan Cənubi Qafqazda dövlət müstəqilliyinin ən uğurlu modelini nümayiş etdirir. Beynəlxalq ekspertlərin fikrincə, Azərbaycan son illərdə böyük inkişaf yolu keçib.

Qeyd olunur ki, Azərbaycanın müstəqilliyinin ilk illərində ölkədəki şərait heç də ürəkaçan deyildi: Qarabağda müharibə gedir, torpaqların işğalı bir milyona yaxın insanın qaçqın və məcburi köçkün düşməsinə səbəb olmuşdu. Lakin 1993-cü ilin iyununda Azərbaycan xalqının təkidi ilə Heydər Əliyevin hakimiyyətə qayıdışı ölkədə vəziyyəti kökündən dəyişdi. Ulu Öndərin yorulmaz səyləri nəticəsində Azərbaycanda vətəndaş müharibəsinin qarşısı alındı, Qarabağda atəşkəs əldə edildi, hüquqi, siyasi və iqtisadi islahatlar sayəsində güclü hakimiyyət formalaşdırıldı.

Sonrakı illərdə Azərbaycan Ümummilli Liderin layiqli varisi Prezident İlham Əliyevin rəhbərliyi ilə iqtisadiyyat, sosial, informasiya-kommunikasiya texnologiyaları sahələrində mühüm nailiyyətlər qazandı, respublikanın dövlət müstəqilliyinin dönməzliyini təmin etdi.

Məqalədə, həmçinin Azərbaycan-Ukrayna münasibətlərindən də bəhs olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video